Slepo (SN/MiP). Jedyn z wjerškow lěta 2025 běše po měnjenju regionalneje rěčnicy župy „Jakub Lorenc-Zalěski“ Diany Maticoweje 9. hłowna wólbna zhromadźizna župy kónc nowembra, kotruž su w Slepjanskim Serbskim kulturnym centrumje (SKC) přewjedli. „Smy so wjeselili, zo su zajimowani hosćo z regiona – mjez nimi pěstowarki, wučerjo a starši – w nahladnej ličbje přišli.“ Na tutym zarjado­wanju su Serbow, kotřiž so na teritoriju župy angažuja, z wosebitym mytom počesćili. Brigittu Steinkowu z Wochoz wu­zwoli a wuznamjeni župne předsydstwo za jeje prócu wo serbski dorost, Gertrud Hermašowa z Rownoho je w předsyd­stwje Njepilic­ towarstwa aktiwna a Wolfgang Kotissek z Brězowki je hižo 50 lět z čłonom Serbskeho folklorneho ansambla Slepo. Mytowanje je župa loni prěni raz přewjedła.