W přitomnosći Thomasa hrabje von Arnima a Ingrid Varga, zhotowjerki ...

štwórtk, 28. septembera 2017 spisane wot:
W přitomnosći Thomasa hrabje von Arnima a Ingrid Varga, zhotowjerki kopije po originalnym wobrazu, su kopiju Hermanna hrabje von Arnima tele dny zjawnosći předstajili. Zajimcy móža sej nětko wobrazy třoch generacijow swójby Arnim w schodźišću noweho Mužakowskeho hrodu wobhladać. Prjedownikaj Traugott a Adolf hrabja von Arnim dźě běštaj tam hižo wustajenaj. W přichodnych lětach chcedźa na hrodźe historiske zwiski dale wutwarjeć. Foto: Joachim Rjela

dale čitać ...

Sakska CDU žada sej reformy EU

štwórtk, 28. septembera 2017 spisane wot:

Drježdźany (dpa/SN). Rozsud Wulkeje Britaniskeje, z Europskeje unije wustupić, měł po zhladowanju CDU w Sakskim krajnym sejmje tež konsekwency za zhromadźenstwo měć. „Sakska trjeba tež po brexiće fungowacu EU. Za to su reformy trěbne“, wuzběhny wčera europski politikar a serbski zapósłanc krajneho sejma Marko Šiman (CDU) na posedźenju w Drježdźanach. Štóž sej nětko pohłub­šenje běrokratiskich strukturow Europskeje unije žada, njeje „poselstwo Wulkeje Britaniskeje­ zrozumił“, Šiman rjekny.

Politika za regiony ma so zesylnić, štož ma so w hospodarskim planje wotbłyšćować. Srědki EU maja so na městnje zasadźić, zo móhli kraje na wuchodźe Němskeje nachwatać“, politikar CDU podšmórny. Jeli system wotewrjenych mjezow w EU njefunguje, maja narodne staty zamołwitosć za swojich wobydlerjow přewzać a wotpowědnje reagować.

Po słowach zapósłanca Haralda Baumanna-Hasskeho dyrbi EU mechanizmy wuwić, z kotrymiž móže přisłušne kraje k dodźerženju zrěčenjow nuzować.

dale čitać ...

„Nikomu so njepodwolić“

štwórtk, 28. septembera 2017 spisane wot:

Jamaiska koalicija je móžna, ale ma tójšto zadźěwkow přewinyć

Berlin (SN/BŠe). CDU/CSU, FDP a Zeleni su signalizowali, zo chcedźa koaliciju zakładnje zhromadnje wuspytać, štož wo­znamjenja, zo su zwólniwe wo móžnej jamaiskej­ koaliciji so rozmołwjeć. Zdobom je tójšto rozdźělow, kotrež měli w jednanjach wobswětlić.

dale čitać ...

To a tamne (28.09.17)

štwórtk, 28. septembera 2017 spisane wot:

Bjez płaćiweje jězbneje dowolnosće dwě lěće pakety rozwožował je muž w delnjofrankskim Bischbrunnje. Policija bě jeho tele dny ze 148 město dowolenych 70 kilometrow na hodźinu lepiła. Kaž so wukopa, jeho tak a tak hižo z wukazom zajeća pytachu. Nětko ma 23lětny hišće z přidatnej pokutu 1 200 eurow ličić a budźe nimo toho wjacore měsacy nóžkować dyrbjeć.

Nowu hobersku družinu šćury (Ratte) su na Salomonskich kupach našli. Hrymzak je něhdźe poł metra dołhi, hač do poł kilograma ćežki a ma dołhu šupiznatu wopuš. Wědomostnicy njewšědnych eksemplarow dla juskaja, wo kotrychž su jim domoródni hižo powědali. Hižo w lěće 2010 běštaj fachowcaj Ty­rone Lavery a Hikuna Judge za družinu pytałoj. Hač na hownješka pak njeběštaj ničo na­makałoj.

dale čitać ...

Nachwilny wuslědk wólbow zwjazkoweho sejma 24

srjeda, 27. septembera 2017 spisane wot:
gmejna direktne hłosy w %
lisćinowe hłosy w %
AfDCDULěwicaSPDFDPSwob. wolerjoZeleniBüSowólbne wobdźěl.
dale čitać ...

Nachwilny wuslědk wólbow zwjazkoweho sejma 24

srjeda, 27. septembera 2017 spisane wot:
gmejna direktne hłosy w %
lisćinowe hłosy w %
AfDCDULěwicaSPDFDPSwob. wolerjoZeleniwobydl. kandid.BüSowólbne wobdźěl.
dale čitać ...

Macron chce Europu přeměnić

srjeda, 27. septembera 2017 spisane wot:

Paris (dpa/SN). Z apelom wo daloko sahace změny w Europskej uniji je francoski prezident Emmanuel Macron Němsku a tamnych partnerow EU namołwjał, zamołwitosć přewzać. Wčera předstaji wón jězbny plan hač do lěta 2024 ze žadanjemi, na přikład ze zhromadnym etatom europasma a ze zhromadnej wojerskej jednotku. Znapřećiwjenja k jeho planam su hižo wotwidźomne. Wšako je FDP, kotraž płaći jako móžny koaliciski partner CDU, zhromadny euroetat w swojim wólbnym programje wotpokazała.

Tež žony smědźa awto wodźić

Riad (dpa/SN). Islamsko-konserwatiwna Sawdi-Arabska chce žonam přichodnje dowolić z awtom jězdźić. Kral Salman je knježerstwo namołwił wotpowědne regularije zdźěłać, po kotrychž smědźa nimo muži tež žony jězbnu dowolnosć złožić, rěkaše wčera w zdźělence statneje sawdiskeje powěsćernje SPA. Sawdi-Arabska je dotal jenički kraj swěta, hdźež njesmědźa žony awto wodźić.

Třeći króć zwrěšćili

dale čitać ...

Na indoneskej dowolowej kupje Bali so boja, zo wulkan Mount Agung ...

srjeda, 27. septembera 2017 spisane wot:
Na indoneskej dowolowej kupje Bali so boja, zo wulkan Mount Agung bórze wudyri. Kaž zarjad za katastrofowy škit zdźěli, je połoženje kritiske. Magma w 3 000 metrow wysokim wulkanje stupa dale a wyše hač na kromu. Prawdźepodobnosć erupcije je jara­ wulka, dźeń pak njeje wěsty. Hižo wot zašłeho pjatka knježi najwyši warnowanski schodźenk. Wjace hač 60 000 ludźi je wokolinu wulkana hižo wopušćiło­. W kupowym staće Bali je 130 aktiwnych wulkanow. Foto: picture alliance/Firdia Lisnawati

dale čitać ...

Krajny sejmw nowej konstelaciji

srjeda, 27. septembera 2017 spisane wot:
Drježdźany (dpa/SN). Sakski krajny sejm chce so dźensa w swojej aktualnej hodźinje z temu zhromadnosć Europskeje unije hladajo na wšelakorosć žiwjenskich naćiskow zaběrać. Dale steja wjacore naćiski zakonjow a próstwow frakcijow na dnjowym porjedźe. Předewšěm póńdźe tu wo stop wupokazanja ćěkancow do Afghanistana, wo dźerženje wowcow a zawěsćenski škit přećiwo elementarnym škodam. Prěni raz schadźuje so Sakski krajny sejm w swojej nowej konstelaciji. Hač na frakcije CDU, Lěwicy, SPD, AfD a Zelenych budu Frauke Petry, Kirsten Muster a Uwe Wurlitzer jako bjezfrakciscy zapósłancy w sejmje skutkować. Tući třo politikarjo běchu wčera kursa swojeje strony dla frakciju AfD wopušćili.

dale čitać ...

Žadaja sej wotstup

srjeda, 27. septembera 2017 spisane wot:
Mnichow (dpa/SN). Po rozmołwach předsydstwa z Berlinskej krajnej skupinu chce so šef CSU Horst Seehofer dźensa tež z bayerskej krajnej frakciju wo špatnym wuslědku strony při wólbach zwjazkowej sejma rozestajeć. Hižo do schadźowanja žadachu sej wjacori čłonojo frakcije, zo měł Seehofer wotstupić a financny minister Markus Söder předsydstwo CSU přewzać. Seehofer pak je wotstup wjacekróć wotpokazał, skedźbnjejo na stronski zjězd w nowembru, hdźež měli wo personaliji diskutować. Tam chcedźa nowe předsydstwo wolić a tam je tež prawe městno za debaty tohole razu, Horst Seehofer wčera w Berlinje rjekny. CSU je při wólbach 38,8 procentow hłosow ludźi dóstała, štož wotpowěduje minusej dźesać dypkow.

dale čitać ...
strona 476 wot 562

Chróšćan Šulerjo

e-paper-wudaće:30.04.2025

Bóle čitana hač powědana rěč

dźěłowe městna w LND

aktualne wupisanja

nowostki LND