Dnjej Drjewjanow w kulowcu woswjećili
Mała delegacija Serbow so na wuměłskim dworje we Wendlandźe na zarjadowanju wobdźěliła
Třeći raz hižo organizowaše asociěrowane towarstwo Domowiny we Wendlandźe – Drjewjanopołobski přećelski a dźěłowy kruh ze sydłom we Łuchowje (Lüchow) tak mjenowane Dny Drjewjanow (němsce: Wendentage). Po lońšim wobšěrnym třidnjowskim projekće z wulkim serbskim podźělom běštej lětsa jenož dnjej, 23. a 24. žnjenc, zaplanowanej. Z podpěru tamnišeje wjesneje zhromadnosće, města Wustrow a wosebje Wuměłskeho dwora Schreyahn bu kompaktny a naročny program zestajeny. Prěni króć přewjedźechu so wšitke zarjadowanja na nowym městnje, w kulowcu Schreyahn.
Społnomócnjena zastojnstwo złožiła
Budyšin (SN/MG). Anna Pięntak-Malinowska njeje hižo dlěje społnomócnjena za wukrajnikow w Budyskim wokrjesu. Po rozsudźe wokrjesneho sejmika, městno šmórnyć, je wona wot spočatka noweho měsaca jeničce hišće přistajena w hamće za migrantow, wo tym informuje nowinska rěčnica krajnoradneho zarjada Sabine Rötschke. Poprawom běchmy so knjenje Pięntak-Malinowskeje naprašowali, hač nochcyła nam wo pozadkach swojeje dźěławosće rozprawjeć – to bě před něhdźe tydźenjom. Slubiła, zo wotmołwi, drje wona telefonisce bě, ale prašenja wostanu njewotmołwjene. W hamće za migraciju přewza něhdyša społnomócnjena nětko wobdźěłanje „temy integracija a móže wšelakore integratiwne projekty kaž interkulturelne tydźenje abo styki z towarstwami a institucijemi pěstować“, rěka w zdźělence dale. Wokrjes zepěra so dale na to, zo njepředleži „wukaz přesadźenja sakskeho zakonja wo integraciji a wobdźělenju. Hakle hdyž tutón předleži, móžemy so snano wo dalšim postupowanju wuprajić.“
Přistajeni VW so zešli
Wolfsburg (dpa/SN). Po wozjewjenju lutowanskich planow awtotwarca Volkswagen su so přistajeni předewzaća dźensa dopołdnja na zawodnu zhromadźiznu zešli. W běhu popołdnja chcyštaj předsydka zawodneje rady koncerna Daniela Cavallo a nawoda wobwodneje wotnožki dźěłarnistwa IG metal Thorsten Gröger zjawnosć wo tym informować. Wčera bu znate, zo dyrbi VW hospodarskeho wuwića w zawodźe dla lutować. W tym zwisku planuja pušćenja a zawrjenje twornjow.
Zelenskyj žada sej lěpši škit
Kijew (dpa/SN). Po krawnych raketowych nadpadach Ruskeje na wulkoměsto Poltawa je sej ukrainski prezident Wolodymyr Zelenskyj wot zapada znowa lětadła wotwobaraceho systema a daloko sahace rakety žadał. Z nimi chcedźa wojerske zepěranišća w Ruskej nadběhować, z kotrychž rakety do směra na Ukrainu wotleća. Wčera běchu ruske rakety w Poltawje znajmjeńša 51 wobydlerjow morili a wjace hač 270 ludźi zranili.
Merz za wotpokazanja při mjezy
Bamž Franciskus je dźensa w Jakarće, stolicy Indoneziskeje, swój ...
Kuleba wotstup připowědźił
Kijew (dpa/SN). We wobłuku wjetšeho přerjadowanja ukrainskeho knježerstwa je tež wonkowny minister Dmytro Kuleba swój wotstup připowědźił. Tole je wón dźensa medijam zdźělił. Hižo wčera bu znate, zo su wjacori ministrojo swój wotstup zapodali. Na přichodnym posedźenju parlamenta chcedźa wotpowědne próstwy pruwować.
Po informacijach medijow su za brónjensku industriju zamołwity minister Olexander Kamyšin, justicny minister Denys Maljuška a wobswětowy minister Ruslan Strilec wo wuwjazanje ze zastojnstwa prosyli. Pozdźišo bu znate, zo stej tež zastupowacej ministerskej prezidentce Olha Stefanišyna a Iryna Werešćuk demisiju zapodałoj. Werešćuk bě za prašenja ćěkancow zamołwita, Stefanyšina za europsku integraciju Ukrainy. Pječa dyrbja połojcu knježerstwa wuměnić.
Wobydlerski pjenjez njezwyša
W CDU spjećuja so dźěłu z BSW
Berlin (dpa/SN). Po wólbach w Sakskej a Durinskej so w rjadach CDU móžnej koaliciji ze Zwjazkom Sahry Wagenknecht (BSW) přiběrajcy spjećuja. „Sahra Wagenknecht wšitko do prašenja staja, štož unija CDU/CSU zastupuje: krute wjazanje na zapad, zjednoćenu Europu a čłonstwo w Nato, w najwjetšim měrowym projekće stawiznow“, rjekny sewjerorynsko-westfalski čłon CDU Frank Sarfeld nowinarjam. Wón BSW wumjetuje, zo přiwobroća so strona runje tak kaž AfD awtoritarnym systemam. „Z tajkimi skupinami njesměmy hromadźe dźěłać.“
Sarfeld rěči po informacijach nowiny Tagesspiegel w mjenje něhdźe 40 čłonow CDU, kotřiž chcedźa sej wot přichodneho zwjazkoweho zjězda strony žadać, zakaz dźěła z BSW wobzamknyć.
Dotal zakazuje tajke wobzamknjenje jenož zhromadne dźěło z AfD a Lěwicu. Po komplikowanym wuslědku wólbow krajneho sejma bě so předsydstwo durinskeje CDU předwčerawšim, póndźelu, za prěnje rozmołwy z BSW wuprajiło.
CDU a lud w Sakskej
To a tamne (04.09.24)
Ćeknjeneho jateho su po dnjej trajacym pytanju namakali – w kamorje bydlenja staršeju w Bochumje. 37lětny bě z tamnišeho jastwa ćeknył, hdźež bydleše we wotewrjenym dźělu. Sobotu wječor njeje so z města nawróćił. Při pruwowanju móžnych adresow pobychu zastojnicy tež w bydlenju staršeju. Tam so muž w kamorje chowaše. Policisća dowjezechu jeho wróćo do jastwa, tón raz do zawrjeneho dźěla. Wón dyrbi hač dosrjedź 2027 chłostanje wotsedźeć.
Z elektriskim kolesatym stołom na awtodróze A 8 po puću był je 88lětny njedaloko bayerskeho Günzburga. Šoferojo starca wuhladachu, kiž jědźeše na kromje awtodróhi. Wočiwidnje bě so muž zabłudźił. Zastojnicy dowjezechu jeho domoj. Transportna firma je jězdźidło přiwjezła. Dokelž njeje 88lětny nikoho wohrožował, njetrjeba z chłostanjom ličić.
Zelenskyj žada sej rakety
Kijew (dpa/SN). Njedaloko fronty je sej ukrainski prezident Wolodymyr Zelenskyj při zetkanju z nižozemskim ministerskim prezidentom Dickom Schoofom znowa daloko sahace brónje žadał. Te su trěbne, zo móhła Ukraina objekty daloko w Ruskej nadběhować. Za to trjeba wona nuznje rakety. Schoof so tuchwilu wo połoženju w Ukrainje informuje. Wón přilubi Zelenskemu dalšu hospodarsku a wojersku pomoc.
Njewjedra zliwki přinjesli
Duisburg (dpa/SN). Njewjedra su w Sewjerorynsko-Westfalskej wčera wječor z městnami masiwne zliwki w běhu krótkeho časa zawinowali. Wosebje potrjechene běštej Ratingen a Duisburg. W měšćanskim dźělu Huckingen je błysk do bydlenskeho domu zrazył a třěchu zapalił. Na zapławjenych dróhach dyrbješe wohnjowa wobora wjacorych ludźi z awtow wuswobodźić, kotrež běchu tčacy wostali. Tež pincy dyrbjachu wuklumpać.
Kijew kritizuje Mongolsku
