Brigita Šramina je serbskosć dźeń a bóle widźomnu činiła
Smy jara potrjecheni a zrudni, zo je so tragiske wobchadne njezbožo stało, při kotrymž staj bywša wjelelětna Wojerowska županka Brigita Šramina a jeje mandźelski Beno žiwjenje přisadźiłoj. Přeco hišće to wěrić njemóžemy.
„Što hewak čini narod žiwy abo mortwy hač jeho žiwa rěč a kultura?“
Tute słowa Jurja Brězana je Brigita Šramina pragmatisce zeskutkownjała. Kaž je mi raz powědała, bě z ćěłom a dušu wučerka.
Brigita, ale tež Beno běštej připóznatej serbskej wosobinje w měsće a regionje, twjerdźu, samo po cyłej Hornjej Łužicy. Wosobinje, kotrejž stej so na dobro serbskeho ludu do cyle wosebiteje měry angažowałoj.
1964 běštaj do Wojerec ćahnyłoj.
W lěće 1966 započa Brigita na šuli „Handrij Zejler“ dźěłać. Tam wuwučowaše serbšćinu a rušćinu. 1974 sta so z fachowej poradźowarku za serbšćinu we wokrjesu a rady je w šulach na wsach pola kolegow hospitowała.
Čas swojeho žiwjenja je Brigita rěče faworizowała.
Jako powołachu ju w lěće 1990 za direktorku 4. srjedźneje šule „Albert Schweitzer“, njeměješe tute kubłanišćo jenož partnersku šulu w pólskim Wlenju, ale zdobom w Finskej a Jendźelskej.
We wólbnych programach zakótwjene serbske temy
Z předewzaćow stron za nowu wólbnu periodu Sakskeho krajneho sejma 2024–2029 1.dźěl
19 stron nastupi k wólbam Sakskeho krajneho sejma 1. septembra. Dźesać z nich wupraja so w swojim wólbnym programow k serbskim naležnosćam. Serbske Nowiny su wólbne programy pod hesłomaj „serbskosć“ a „mjeńšiny“ přehladali. Wočiwidne je, zo předleža tam, hdźež su so Serbja sami aktiwnje na diskusiji wo programje swojich stron wobdźělili, na přikład w dźěłowym kruhu za serbske naležnosće Zwjazka 90/Zelenych abo SPD, přewšo fundowane wuprajenja. Wobšěrna je lisćina wólbnych přilubjenjow serbske temy nastupajo pola CDU. Poražacej stej skromnej poskitkaj Lěwicy serbskim wolerkam a wolerjam.
Zwjazk 90/Zeleni
W třoch kapitlach namakamy we wólbnym programje sakskich Zelenych serbske wuprajenja. W kapitlu 2, Sprawnosć zhromadnje skrućeć, potrjechi to dypki „Najlěpše kubłanje wšitkch zmóžnjeć“, „Sakska za kóždeho“ a „Zhromadne žiwjenje w Sakskej pisane a čiłe wuhotować“.
Pjenjezy su wěste
Berlin (dpa/SN). Zwjazkowa wobswětowa ministerka Steffi Lemke (Zeleni) zaruča miliardy za akciski program „přirodny škit klimy“. Hač do lěta 2028 steji wjace hač 3,5 miliardy eurow k dispoziciji, praji politikarka. „Akciski program je a wostanje z tym najwjetše spěchowanje za škit přirody a klimy, kotrež hdy w Němskej mějachmy. Hladajo na dale trajacu krizu klimy dyrbimy přirodu škitać, zo by wona nas škitać móhła.“
Wólby maja wulki wuznam
Podstupim/Hamburg (dpa/SN). Za ministerskeho prezidenta Braniborskeje Dietmara Woidku su wólby do krajneho sejma w Durinskej, Sakskej a Braniborskej wuznamne za stabilitu na wuchodźe Němskeje. „Nětko dźe wo wšo. Hospodarske wuwiće, socialnu wěstotu, towaršnostnu zhromadnosć – a za to trjebamy politisku stabilitu. Na kóncu dźe tež wo demokratiju“, praji politikar SPD magacinej Stern.
Rozmołwy bjez wuslědka
Britiski kral Charles III. wopyta město Southport, hdźež zakłó ...
Dawk za cokor
Kandidatka jasna
Höcke wustupić njemóhł
Jena (dpa/SN). Něhdźe 2 000 ludźi je w Jenje po prěnich trochowanjach policije přećiwo AfD protestowało a wustupej krajneho nawody strony Björna Höcke zadźěwało. Policija je popjerjowy spray a pradła zasadźowała, zo by sydanske blokady rozpušćiła, praji rěčnik policije. Zranił so pozdatnje nichtó njeje. Poprawom bě planowane, zo porěči Höcke na wobydlerskej rozmołwje w centrumje měšćanskeje štwórće. Z wěstotnych přičin běchu wustup Höcke – po dorěčenju z jeho škitnym personalom – wotprajili. Höckej njeporadźi so do centruma podać, zarjadowanje AfD zakónčichu. Pózdni wječor wozjewi policija, zo dyrbjachu wobdźělenje Höckeho „mnohich wosobow a njepřewidneho połoženja na městnje dla“ krótkodobnje wotprajić. Napřećiwne demonstracije běchu po wuprajenjach policije přizjewjene, poprawom pak mjenje ludźi wočakowachu. Dwanaće njeskutkow a jedne zranjenje porjada zastojnicy registrowachu. Zajeli nikoho njejsu.
Nic jenož ruku zběhnyć
To a tamne (21.08.24)
Lubosćinska stawizna spěwarki Jennifer Lopez a dźiwadźelnika Bena Afflecka njeje tež w druhim pospyće zbožownje skónčiła. Po dwěmaj lětomaj mandźelstwa da so Lopez (55) nětko wot Afflecka (52) dźělić. Wutoru woteda wona na sudnistwje w Los Angelesu rozwěrowanske podłožki. Jako datum rozwodźenja poda Lopez 26. apryla. Hižo před 20 lětami běštaj Lopez a Affleck lubosćinski porik. Přimjeno porika bě „Bennifer“.
W Awstralskej smědźa po sudniskim rozsudźe dale tysacy dźiwje konje zatřěleć. Dźiwje konje mjenuja tam „Brumbies“, wone su wažny dźěl regionalneje folklory. W zwjazkowym staće New South Wales běchu zarjady morjenje konjow přikazali, dokelž bywa jich populacija dale a wjetša. Přećiwo tomu skoržeše organizacija škitarjow přirody, ale bjez wuspěcha.
