To a tamne (13.10.16)
Tak sej njewjesta najrjeńši dźeń jeje žiwjenja zawěsće předstajiła njeje. Po puću k jeje přichodnemu mandźelskemu sedźeše wona 20. awgusta w Hofheimje na awtodróze palaceho nakładneho awta dla w paslach. Na wažny termin dypkownje přińć drje bě w tymle wokomiku njemóžne. Čakacy nawoženja zawoła tuž policiju, kotraž njewjestu skónčnje wuswobodźi. Nětko je so mjeztym wudała žona zastojnikam z kwěćelom, słódkosćemi a kartu dźakowała.
Z tak mjenowanym Lübeckskimi Holstenskimi wrotami maja Chinjenjo swoje ćeže. W chinskej fabrice, hdźež suweněry zhotowjeja pomjenowachu znate wrota cyle jednorje Bolstentok. Mjeztym je suweněr z wopačnym mjenom šlagr mjez turistami, tak zo je Lübeckska a Travemündska marketingowa towaršnosć wjace tajkich „wopačnych“ wrotow skazała.
Wojowanje bjez kompromisow za mjeńšinu
20. awgusta 1946 rodźeny Romani Rose swjećeše srjedź septembra swoje 70ćiny. Mnozy běchu tuž do reprezentancy Heidelbergskeho centruma Němskich Sintow a Romow do Berlina přichwatali a jemu gratulowali.
Käßmann jako naslědnica?
Berlin. (dpa/SN). SPD a Lěwica stej wo ewangelskej teologowce Margot Käßmann jako móžnu naslědnicu zwjazkoweho prezidenta Joachima Gaucka wuradźowałoj. Tak je so zwjazkowy hospodarski minister Sigmar Gabriel (SPD) pola Lěwicy wobhonił, hač drje bychu tónle rozsud sobu njesli. Kaž předsyda Lěwicy Bernd Riexinger zdźěli, pytaja za kandidatu, kotryž je swětej wotewrjeny, štož na teologowku přitrjechi.
14 ludźi morił
Kabul (dpa/K/SN). W afghaniskej stolicy je ekstremista zhromadźenych před šiitiskej relikwiju nadpadnył a 14 ludźi morił kaž tež 36 dalšich zranił. Ličba woporow móhła so hišće zwyšić. Muž bě so do twarjenja zadobył a je hnydom započał na modlacych so třěleć. Za atentatom móhła tčeć skupinka přiwisnikow IS, chcyjo rozdwojić sunnitiskich a šiitiskich muslimow.
337 000 podpismow přepodali
Před hłownym sydłom koncerna Vattenfall w Choćebuzu demonstrowachu ...
Planowanske regiony wobkedźbować
Choćebuz (SN/at). Plany braniborskeho knježerstwa za reformu wokrjesnych teritorijow na juhu kraja Němski dźěłarniski zwjazk (DGB) wotpokazuje. Wotpohladany južnobraniborski wokrjes, kotremuž měli dotalne wokrjesy Sprjewja-Nysa, Łobjo-Halštrow, Hornje Błóta- Łužica kaž tež bjezwokrjesne město Choćebuz přisłušeć, „je přewulki“, rjekny regionalna jednaćelka DGB južna Braniborska/Łužica Marion Schleier powěsćerni dpa.
DGB žada sej w tymle nastupanju za južnu Braniborsku, zo so wobstejacej planowanskej regionaj wobkedźbujetej. „Wočakujemy, zo so pozicije regionalneho planowanja zapřijeja. To njeje so dotal stało“, wuzběhny Dieter Judith, předsyda měšćanskeho zwjazka DGB Choćebuz w rozmołwje z našim wječornikom. Hižo we wobłuku regionalnych konferencow w přihotach wokrjesneje reformy bě DGB po słowach Juditha na tónle njedostatk skedźbnił, bjez wuspěcha.
Regiony bóle słyšeć
Zrěčenje budźe
W Turkowskej był
Nětko na Bermudy
To a tamne (12.10.16)
Hillary Clinton a Donald Trump stej lubosćinski porik. Znajmjeńša je tole w satiriskim filmje tak, kotryž je sćelak Lucky TV nětko wozjewił. Na zakładźe widejowych sekwencow minjeneho telewizneho duella a hudźbu z filma Dirty Dancing a spěwa Time of my Life charekterizowachu fimowcy jeju jako rjany a přewšo derje zrozumjacy so porik. Mjeztym je clip internetowy hit. Tež ameriski sćelak CBS je jón mjeztym pokazał.
Zadobywarjo su w hessenskim Offenbachu małe swinjo z mjenom Rudi pokradnyli. Hižo štyri dny je skoćato zhubjene. Nětko pyta policija hižo na facebooku z wobrazom za nim a nadźija so někajkich pokazkow. Wobsedźerka Susi Stangl so mjeztym chětro wo jeje lubuška starosći. Wjacore króć wob dźeń bě wona swinko w zahrodce wopytała, nětko je wobhrodźenje prózdne.
