11. swjatkowne běhi podłu Bjerwałdskeho jězora

štwórtk, 27. junija 2019 spisane wot:

Při horcych temperaturach je so podłu a wokoło Bjerwałdskeho jězora na jednej z pjeć połnych distancow na 0,8/3, 5, 10 a 21,1 km (połmarathon) cyłkownje 547 lubowarjow běhanja, mjez nimi 20 we walkingu, wubědźowało.

Dobry dźesatk serbskich atletow je so na bě­hach wobdźělił a sej jedne złote kaž tež jedne slěborne městno zawěsćił. We wotpowědnych starobnych klasach wobsadźichu Serbja pjeć medaljowych městnow – tři slěborne a dwě bronzowej, a k to­mu stajnje jedne štwórte, pjate, dźewjate, dźesate, jědnate, 14. a 16. městno. Sportowcy běchu ze Sakskeje a z Braniborskeje, Berlina, Mnichowa, Bad Tölza a z pólskich Żarow.

Na 0,8 km wubědźowachu so šulerjo a šulerki U 8 a młódši. Willi Bjarš z Budyšina běše cyłkowny dobyćer (3:12 min). We wurisanju na 5 km (101 w cilu) docpě Fritz Bjarš z Budyšina slěborne městno w 19:02 min. Dawid Žur z Lejna doběža w U 16 na 9. městnje (26:28 min). Na tej distancy je tež cyłkownje 20 lubowarjow walkinga mocy měriło.

Na Budyskim Serbskim gymnaziju wotmě­štej so na cilowej čarje šulskeho lěta 2018/2019 tradicionalnej wolejbulowej hrě. 27. duel muskeje generacije rozsudźichu dwanatkarjo 2:1 přećiwo wučerjam, a jubilejny 10. duel dobychu abiturientki 2:0 přećiwo wučerkam.

Wuslědki (26.06.19)

srjeda, 26. junija 2019 spisane wot:

Kopańca, NOFV-wyša liga

Taucha – Pirna-Copitz  0:2 (0:2)

Lößnitz – Riesa2:1 (1:1)

Mittweida – Markranstädt 2:1 (2:0)

Grimma – Glauchau9:2 (7:0)

Markkleeberg – Radebeul  0:0 (0:0)

Großenhain – Kamjenc 2:4 (1:1)

Niska – Nowosólc-Hródk 3:2 (1:0)

krajna klasa

Trjebin – Rotacija Drježdźany  2:2 (0:2)

Nowe Město – Horni kraj 8:3 (4:1)

Běła Woda – Borea Drježdźany 1:1 (0:1)

Weixdorf – Großröhrsdorf  0:1 (0:0)

Oderwitz II – Laubegast  4:1 (2:0)

Drježdźany-Strěžin – Chrósćicy 7:1 (3:1)

Ćisk – Neugersdorf II  1:1 (0:1)

1. LSV Nowe Město 26 85 : 25 61

2. SZ Drježdźany-Strěžin 26 62 : 27 56

3. Laubegast 26 71 : 38 51

4. FSV Oderwitz II 26 48 : 40 40

5. FC Neugersdorf II 26 49 : 38 39

6. VfB Běła Woda 1909 26 58 : 50 34

7. SG Weixdorf 26 51 : 53 33

8. TSV Rot. Drježdźany 26 53 : 58 30

9. SC Großröhrsdorf 26 39 : 46 30

10. SJ Chrósćicy 26 53 : 66 30

11. SC Borea Drježdźany 26 40 : 57 28

12. ST Ćisk 26 39 : 60 28

13. ST Horni kraj-Sprjewja 26 52 : 97 25

14. ST Trjebin 26 32 : 77 14

Dyrbja nětko tola zestupić

wutora, 25. junija 2019 spisane wot:

ST 1922 Radwor – ST Porchow 1:1 (0:0)

Zestawa domjacych: Ch. Šěrak – Henka, F. Šěrak, Wjacławk, Jendrewski, Nuk, Wjeń­ka, Měrćink, Glücklich, Reineke, Schulze

Na poslednim hrajnym dnju sezony 2018/2019 witachu Radworscy koparjo mustwo z Porchowa, kotrež běše zdobom direktny konkurent w boju wo zdźerženje klasy. Wuchadźišćo bě hižo do hry jasnje, Radwor měješe dobyć a so nadźijeć, zo Bukecy runočasnje doma pře­­ćiwo Rakecam njedobudu. Tajki napjaty finale postara so wězo tež wo krasnu kulisu­ wjace hač 200 přihladowarjow na Ra­dworskim sportnišću.

Na wrota bohata poslednja hra

wutora, 25. junija 2019 spisane wot:

ST Marijina hwězda

– ST Traktor Malešecy 3:4 (1:2)

Zestawa domjacych: Matik – R. Cyž, Škoda­, Rab, R. Hawš, Šołta, Schmidt (59. Lipič), O. Hawš, Ch. Cyž, Pakoßnick (34. Melnyk), Pjetaš (84. Kleinmann)

W načolnej hrě přećiwo třećemu tabul­ki, Traktorej Malešecy, chcyše postupnik do koparskeje wyšeje ligi hišće raz dobyć. Hosćo pak mějachu něšto­ pře­ći­­wo tomu a wotwjezechu sej wšit­ke­ tři dypki z Pančic-Kukowa. Hladajo na hi­žo zawěsćene mišterstwo bě móc něko­trych domjacych akterow po zdaću hižo pře­trjebana. Po dołhej a na­pinacej hrajnej dobje bě to w porjadku.

Třeći serbski supercup

wutora, 25. junija 2019 spisane wot:
Njebjelčicy (jh/SN). Sportowa jednotka Njebjelčicy zarjaduje njedźelu, 21. julija, 3. serbski supercup – turněr ze štyrjomi serbskimi koparskimi mustwami. Poł­finalnej hrě wulosować budu zamołwići Njebjelčanskeje SJ póndźelu, 15. julija, na Hórčanskim sportnišću. Tón dźeń pozastanje tam bičwo­lejbulowa tura Radija Satkula. Losy ćahnyć ma hrajerka Serbskeje koparskeje wubranki.

ST 1896 Wulka Dubrawa

– SJ Njebjelčicy 4:4 (2:1)

Zestawa hosći: Matješk – Hanuza, Gödig, Hrjehor, Krall, Čornak, Hommel (50. Šołta), O. Domš, Plaettner, Korjeńk, Lejnart (65. F. Domš)

Poslednja hra sezony wjedźeše chowancow koparskeho trenarja Njebjel­­čanskeje SJ Handrija Krawčika k dźesa­temu tabulki do Wulkeje Dubrawy. Domjacu partiju běchu woni 7:0 dobyli. Jako­ pak nětko Wulkodubrawčan Danilo Miekan w 69. min. 4:1 třěli, hižo nichtó w rjadach hosći tak prawje do wuspěcha njewě­rješe. Takrjec z wothwizdanjom pak trjechi Pawl Hrjehor k 4:4 (94.), a wjeselo bě wulke.

Hižo po štyrjoch mjeńšinach bě Wiliam Plaettner z hłowu po wólnym kopje Ronyja Hanuzy nawjedowanje docpěł. Žane dźesać mjeńšin pozdźišo pak Miekan z dwójnym dyrom (13., 16.) mjezywuslědk zwjertny.

Stara koparska garda Radworskeho ST je 23. koparski turněr starych knjezow wo pućowanski pokal Serbskeho Sokoła dobyła. Fina­le doby hosćićel z 1:0 přećiwo starym knjezam SJ Chrósćicy, rozsudne wrota třěli Nico Buša (stejo, třeći wotprawa). Radworčenjo mějachu z Benom Bělkom (stejo, pjaty wotprawa) tež najstaršeho hrajerja turněra w swojich rjadach. Jako naj­kmańši wrotar­ bu Frank Hübner (Pančicy) počesćeny, najrjeńše wrota turněra poradźichu so Bosćijej Lulakej (Ralbicy), najlěpši třělc wrotow bě Antonius Škoda (Pančicy) a najdypkowniši hrajer turněra Měrćin Špitank (Chrósćicy). Třeće městno wobsadźi Soko­ł Ralbicy/Hórki, štwórte ST Marijina hwězda, pjate SJ Njebjelčicy a šeste Zeleno-běli Hórki. Foto: Kilian Hrjehor

Wuslědki (25.06.19)

wutora, 25. junija 2019 spisane wot:

Kopańca

wokrjesna liga, stafla 2

Lubuš – Wojerowski FC II 4:2 (4:0)

Mały Wosyk – Łaz/Běły Chołmc 1:6 (0:3)

Rakecy II/Šćeńca – Haselbachtal 1:3 (1:1)

Wulka Dubrawa – Njebjelčicy 4:4 (2:1)

Łuty – Chrósćicy II1:1 (1:1)

Marijina hwězda – Malešecy 3:4 (1:2)

Ćisk II – Nadrózna Hrabowka 1:1 (1:1)

1. ST Marijina hwězda 28 87 : 18 70

2. HZ Łaz/Běły Chołmc 28 87 : 26 63

3. Traktor Malešecy 28 73 : 33 60

4. SV Haselbachtal 28 64 : 35 52

5. ST Ćisk II 28 42 : 52 42

6. SJ Njebjelčicy 28 46 : 39 39

7. HZ Wulke Ždźary 28 42 : 53 37

8. Wojerowski FC II 28 46 : 50 35

9. FSV Łuty 28 41 : 51 34

10. ST Wulka Dubrawa 28 50 : 68 34

11. Nadrózna Hrabowka 28 44 : 55 33

12. ST Lubuš 28 34 : 48 32

13. SJ Chrósćicy II 28 45 : 48 31

14. HZ Rakecy II/Šćeńca 28 28 : 77 18

15. ST Mały Wosyk 28 24 : 99 15

Hóstni koparjo horcy derby dobyli

póndźela, 24. junija 2019 spisane wot:

Sokoł Ralbicy/Hórki – Módro-běli Kulow 2:3 (0:1)

Zestawa domjacych: Schöne – Matka, Šewc, Schultz, Budar, Bejmak, Korjeńk, Gloxyn (44. M. Kurjat), G. Kurjat, Materna (46. Bjeńš), Domaška

zestawa hosći: P. Korch – Hantschke, B. Korch, Katzer (62. S. Kubaink), Popjela (54. Koplanski/69. Graf), Bulank, Wehlan, Kockert, Nicolaides, A. Korch, N. Kubaink

Na poslednim hrajnym dnju wokrjesneje koparskeje wyšeje ligi je do Ralbičanskeho Stadiona přećelstwa team z Kulowa na derby přichwatał. Wuměnjenja njemóžachu lěpše być. Za wobě mustwje dźěše hišće wo dobre zaměstnjenje w tabulce, wjedro bě wulkotne a z nimale 200 přihladowarjemi bě kulisa najlěpša sezony. Tež Kulowska koparska rezerwa bě sej z kremserom do Ralbic dojěła a tam přez cyłu hru mócnje spěwała.

nawěšk

nowostki LND