Dokumentacija „Dolina smjerće“ w Chrósćicach prěni króć předstajena
Chrósćicy (SN/MkWj). Zdźeržliwy přiklesk bě najlěpši dopokaz za to, zo běchu ludźo hnući z toho, štož su runje widźeli: Na wšěch 200 ludźi je wčera w Chróšćanskej „Jednoće“ předpremjeru noweho filma serbskeho studija Wuhladka „Dolina smjerće – 80 lět po kóncu wójny“ widźało. Film wěnuje so struchłemu wotrězkej Łužiskich stawiznow na kóncu Druheje swětoweje wójny, kotrež běchu dotal jenož w knihach, powědančkach a dokumentacijach zachowane.
Němsko-Serbske ludowe dźiwadło je minjenu sobotu swoju lětušu delnjoserbsku inscenaciju prapremjernje w Hochozy předstajiła. Interaktiwna hudźbno-sceniska kolaža „Pórajśo se wen do swěta“ wotbłyšćuje wosud serbskich wupućowarjow, kotrež su sej wopušćiwši Łužicu nowu domiznu w Texasu a Awstralskej wutworili. Hru po ideji Madleńki Šołćic je Esther Undisz spisała a inscenowała. Hłowne róle wukonjeja Anna-Maria Brankačkec a Měrko Brankačk (2. a 3. wotprawa) kaž tež Katharina Krygarjec (nalěwo). Dalše štyri předstajenja slěduja po planje hač do kónca meje w Dešnje a Radušu kaž tež dwójce w Choćebuzu. Foto: NC/Katalin Porackojc
Sokoł Ralbicy/Hórki –SC 1911 Großröhrsdorf 0:3 (0:3)Zestawa domjacych: Schöne – Matka (46. Matka), B. Heidorn, Wałda, Mikławšk (53. L. Heidorn), Rachela (58. Woko), Gloxyn, Šewc, Šnajder, Bejma (71. Bejmak), Hicka (76. Šiman)
Lětuši rjad „Happy monday Bautzen – Wjesoła póndźela Budyšin“ bu wčera na Hłownym torhošću sprjewineho města zahajeny. Pod hesłom „Respekt zwjazuje: Mnohotnosć swjećić – zhromadnosć hajić“ wustupi nimo kandidata za Eurovision Song Contest Martina Michela a cyłka Zukunftsmusik spěwarka Jela J (na foće). Moderaciju wukonještaj Madleńka Šołćic a Tim Heilmann. Přichodnu póndźelu zahudźi před Budyskim dźiwadłom mjez druhim spěwytwórc Paul Geigerzähler. Foto: SN/Bojan Benić
Křižnu cyrkej na Radworskim kěrchowje nětko wobnowjeja. Z třěchi tele dny cyhele dele bjeru. Nutřka budu sćěny woběleć a do toho wusušić. Po tuchwilnych planach chcedźa z tym w awgusće započeć. Do toho dyrbja ławki a drje tež wołtar won. Doniž so nutřka njedźěła, su puste wječory dale w Křižnej cyrkwi. Dohromady płaći wobnowjenje Křižneje cyrkwje 265 000 eurow, 100 000 eurow dóstanu jako spěchowanje. Kónc lěta ma wšo hotowe być. Dokładniše informacije sposrědkuje Pětr Kubańk sobotu w 15 hodź. hnydom při Křižnej cyrkwi. Foto: Bosćij Handrik
Hózk (SN/mb). Šef statneje kenclije Sakskeje dr. Andreas Handschuh poby wčera na třoch stejnišćach předewzaćow, kotrež maja za přichod regiona wosebity wuznam. Přeprosyła bě jeho zapósłanča sakskeho krajneho sejma Elaine Jenčec (wobaj CDU). Zakónčiła je so tura w tworni TDDK w Nadróznej Hrabowce, kotraž njeje z 950 přistajenymi jenož jako producent klimatizacije za awta znata, ale tež jako spěchowar serbšćiny w hospodarstwje. Samo swójsku społnomócnjenu za serbske naležnosće w zawodźe maja. Zastupowacy jednaćel Ronald Juhnke hosći po zawodźe wodźeše, kotryž so jako serbsce wuknjacy hižo dołho za serbski profil firmy angažuje.Do toho rozmołwjachu so w radnicy Njedźichowa z měšćanostu Harryjom Habelom (CDU) a měšćanskimi radźićelemi wo přichodnym bataljonje zwjazkoweje wobory za logistiku. Tule změje jónu 800 wojakow dźěłać, při tym chcedźa něhdyše stejnišćo narodneje ludoweje armeje (NVA) NDR za dźensniše wójsko wužić. Z toho wočakuja „přinošk za změnu strukturu a pozitiwne wuskutki za ...
Hainewalde. W Hainewaldźe, w Žitawskich horinach, su wot pjatka do njedźele serbski ewangelski kónc tydźenja za swójby přewjedli. Pod hesłom „Mějach són ...“ schadźowachu so dźěći, młodostni a dorosćeni w zetkawanskim centrumje „Eurohof“. Nimale 50 wobdźělnikow je přeprošenju Serbskeho ewangelskeho towarstwa sćěhowało, štož je nowy rekord. Zajimcy běchu přewažnje z Łužicy. Najdlěšu jězbu drje měještej swójbje z Münstera a Reichenbucha blisko Mosbacha.
