To a tamne (28.09.17)

Donnerstag, 28. September 2017 geschrieben von:

Bjez płaćiweje jězbneje dowolnosće dwě lěće pakety rozwožował je muž w delnjofrankskim Bischbrunnje. Policija bě jeho tele dny ze 148 město dowolenych 70 kilometrow na hodźinu lepiła. Kaž so wukopa, jeho tak a tak hižo z wukazom zajeća pytachu. Nětko ma 23lětny hišće z přidatnej pokutu 1 200 eurow ličić a budźe nimo toho wjacore měsacy nóžkować dyrbjeć.

Nowu hobersku družinu šćury (Ratte) su na Salomonskich kupach našli. Hrymzak je něhdźe poł metra dołhi, hač do poł kilograma ćežki a ma dołhu šupiznatu wopuš. Wědomostnicy njewšědnych eksemplarow dla juskaja, wo kotrychž su jim domoródni hižo powědali. Hižo w lěće 2010 běštaj fachowcaj Ty­rone Lavery a Hikuna Judge za družinu pytałoj. Hač na hownješka pak njeběštaj ničo na­makałoj.

weiterlesen ...

Nachwilny wuslědk wólbow zwjazkoweho sejma 24

Mittwoch, 27. September 2017 geschrieben von:
gmejna direktne hłosy w %
lisćinowe hłosy w %
AfDCDULěwicaSPDFDPSwob. wolerjoZeleniBüSowólbne wobdźěl.
weiterlesen ...

Nachwilny wuslědk wólbow zwjazkoweho sejma 24

Mittwoch, 27. September 2017 geschrieben von:
gmejna direktne hłosy w %
lisćinowe hłosy w %
AfDCDULěwicaSPDFDPSwob. wolerjoZeleniwobydl. kandid.BüSowólbne wobdźěl.
weiterlesen ...

Macron chce Europu přeměnić

Mittwoch, 27. September 2017 geschrieben von:

Paris (dpa/SN). Z apelom wo daloko sahace změny w Europskej uniji je francoski prezident Emmanuel Macron Němsku a tamnych partnerow EU namołwjał, zamołwitosć přewzać. Wčera předstaji wón jězbny plan hač do lěta 2024 ze žadanjemi, na přikład ze zhromadnym etatom europasma a ze zhromadnej wojerskej jednotku. Znapřećiwjenja k jeho planam su hižo wotwidźomne. Wšako je FDP, kotraž płaći jako móžny koaliciski partner CDU, zhromadny euroetat w swojim wólbnym programje wotpokazała.

Tež žony smědźa awto wodźić

Riad (dpa/SN). Islamsko-konserwatiwna Sawdi-Arabska chce žonam přichodnje dowolić z awtom jězdźić. Kral Salman je knježerstwo namołwił wotpowědne regularije zdźěłać, po kotrychž smědźa nimo muži tež žony jězbnu dowolnosć złožić, rěkaše wčera w zdźělence statneje sawdiskeje powěsćernje SPA. Sawdi-Arabska je dotal jenički kraj swěta, hdźež njesmědźa žony awto wodźić.

Třeći króć zwrěšćili

weiterlesen ...

Na indoneskej dowolowej kupje Bali so boja, zo wulkan Mount Agung ...

Mittwoch, 27. September 2017 geschrieben von:
Na indoneskej dowolowej kupje Bali so boja, zo wulkan Mount Agung bórze wudyri. Kaž zarjad za katastrofowy škit zdźěli, je połoženje kritiske. Magma w 3 000 metrow wysokim wulkanje stupa dale a wyše hač na kromu. Prawdźepodobnosć erupcije je jara­ wulka, dźeń pak njeje wěsty. Hižo wot zašłeho pjatka knježi najwyši warnowanski schodźenk. Wjace hač 60 000 ludźi je wokolinu wulkana hižo wopušćiło­. W kupowym staće Bali je 130 aktiwnych wulkanow. Foto: picture alliance/Firdia Lisnawati

weiterlesen ...

Krajny sejmw nowej konstelaciji

Mittwoch, 27. September 2017 geschrieben von:
Drježdźany (dpa/SN). Sakski krajny sejm chce so dźensa w swojej aktualnej hodźinje z temu zhromadnosć Europskeje unije hladajo na wšelakorosć žiwjenskich naćiskow zaběrać. Dale steja wjacore naćiski zakonjow a próstwow frakcijow na dnjowym porjedźe. Předewšěm póńdźe tu wo stop wupokazanja ćěkancow do Afghanistana, wo dźerženje wowcow a zawěsćenski škit přećiwo elementarnym škodam. Prěni raz schadźuje so Sakski krajny sejm w swojej nowej konstelaciji. Hač na frakcije CDU, Lěwicy, SPD, AfD a Zelenych budu Frauke Petry, Kirsten Muster a Uwe Wurlitzer jako bjezfrakciscy zapósłancy w sejmje skutkować. Tući třo politikarjo běchu wčera kursa swojeje strony dla frakciju AfD wopušćili.

weiterlesen ...

Žadaja sej wotstup

Mittwoch, 27. September 2017 geschrieben von:
Mnichow (dpa/SN). Po rozmołwach předsydstwa z Berlinskej krajnej skupinu chce so šef CSU Horst Seehofer dźensa tež z bayerskej krajnej frakciju wo špatnym wuslědku strony při wólbach zwjazkowej sejma rozestajeć. Hižo do schadźowanja žadachu sej wjacori čłonojo frakcije, zo měł Seehofer wotstupić a financny minister Markus Söder předsydstwo CSU přewzać. Seehofer pak je wotstup wjacekróć wotpokazał, skedźbnjejo na stronski zjězd w nowembru, hdźež měli wo personaliji diskutować. Tam chcedźa nowe předsydstwo wolić a tam je tež prawe městno za debaty tohole razu, Horst Seehofer wčera w Berlinje rjekny. CSU je při wólbach 38,8 procentow hłosow ludźi dóstała, štož wotpowěduje minusej dźesać dypkow.

weiterlesen ...

Pozitiwny signal

Mittwoch, 27. September 2017 geschrieben von:
Berlin (dpa/SN). Wottwar dźěłowych městnow pola kanadiskeho koncerna Bombardier Transportation ma, kaž předwidźane, bjez zawodnych přičin wotběžeć. Na to su so dźěłodawar a dźěłopřijimarjo w zawodnym zrěčenju dojednali, kaž dźěłarnistwo IG metal zdźěli. Dorozumili su so nětko tež na přichodne nadawki němskich stejnišćow. Sakski hospodarski minister Martin Dulig (SPD) ma to za pozitiwny signal so­budźěła­ćerjam. Specializaciju stejnišćow w Budyšinje a Zhorjelcu ma wón za spomóžnu. Přiwšěm měło so połoženje nowych nadawkow pola Bombardier po­lěpšić. „Při tym ma tež Němska železnica zamołwitosć, sadźeć hladajo na skazanje noweje železniskeje techniki na wudźěłki stej­nišćow z domizny“, Dulig podšmórny.

weiterlesen ...

Sakska změje wjac zapósłancow

Mittwoch, 27. September 2017 geschrieben von:
Kamjenc (dpa/SN). Sakska změje přichodnje 38 zapósłancow w zwjazkowym sejmje, štyri wjac hač dotal. Wjetšina z nich su zapósłancy CDU, kotřiž zawěsćichu sej dwanaće z móžnych 16 direktnych mandatow. Ze 36,7 procentami je zwjazkowy nutřkowny minister Thomas de Maizière swoje městno w Berlinje zakitował. Generalny sekretar CDU Michael Kretschmer porno tomu je swój mandat na AfD zhubił. Politikar CDU Klaus Brähmig­ ma samsny dóńt. AfD změje přichodnje jědnaće zapósłancow w Berlinje, Lěwica šěsć a SPD štyrjoch město dotal­ sydom. Mjez nimi je Thomas Jurk. Dale budu sakscy Zeleni a FDP po dwěmaj zapósłancomaj w nowym zwjazkowym sejmje zastupjeni.

weiterlesen ...

To a tamne (27.09.17)

Mittwoch, 27. September 2017 geschrieben von:

Po wšěm zdaću ćělnje zbrašeny jaty je zastojnikam w Sewjernej Šwabskej twochnył. 45lětneho, kiž sedźeše w Kaisheimskim jastwje, běchu bolosćow w chribjeće dla do kliniki dowjezli. Kaž rěkaše, móžeše so muž chorosće dla jeno ćežko hibać. Tak dowjezechu jateho ze stólčkom do chorownje. Pacienta wobstražować tuž trjeba njebě, měnješe policija. Kaž dźiw pak je so muž „spontanje wustrowił“­, tak zo móžeše ćeknyć.

Formulacija ignorancy „Pissed“ Donalda Trumpa je znateho kanadiskeho wu­měłca Cassilsa k njewšědnej twórbje pozbudźiła.­ Něhdźe poł lěta je wón swójski urin hromadźił, a to na wšě 750 litrow. Rezultat móža sej wopytowarjo­ nětko w New-Yorkskej ga­leriji wobhladać, hdźež je přewidny tank z urinom wustajeny. Před smjerdom su bohudźak přelutowani, dokelž ma zběrnik wěko.

weiterlesen ...
Seite 477 von 562

Chróšćan Šulerjo

Dźěłowe městna w LND

aktuelle Stellenangebote

Neuheiten LND