Štyri kontinenty při skale
Rězbarska dźěłarnička dźeń a mjezynarodniša – zajim publikuma dźeń a snadniši
Hižo 18. raz přeprosy towarstwo Kamjenjak spočatk požnjenca na finisažu mjezynarodneje rězbarskeje dźěłarnički při Miłočanskej skale. Wot swojeho załoženja w lěće 2009 angažuje so tute towarstwo, zo by ludźom zbliska a zdaloka w němsko-serbskej kónčinje wědu wo wuměłstwje a wobswěće posrědkowało. Kóždolětny wjeršk towarstwoweho dźěła je mjezynarodna rězbarska dźěłarnička, kotraž wotměwa so stajnje w poslednimaj tydźenjomaj žnjenca. Zo njeda so nic jenož dwě njedźeli dołho kopica wuměłcow porjadnje do dźěła, ale tež pilny team towarstwa, běše za wšěch, kotřiž skału časćišo wob lěto wopytuja, hižo při zajězdźe k skale spóznać. Tam stejachu mjenujcy eksponaty něhdyšich dźěłarničkow, zo by za lětsa nowonastate twórby direktnje při tak mjenowanym Krabatowym kamjenju dosć městna było. Wšako někotre wudźěłki tworjacych wuměłcow spěšnje noweho wobsedźerja namakaja, tamne pak wostanu a tworja tak trajnu wustajeńcu, kotraž hodźi so přez cyłe lěto darmotnje wopytować.
Čini to, za čožso z cyłej dušu hori
Na swojim powołanskim puću w agenturje za sposrědkowanje hudźbnikow a jako DJ je Jan Rječka nimo jara wuspěšnych časow tež ćežke wokomiki dožiwił. Narodźił je so dźensa 34lětny w Erfurće, wotrostł pak je w Dubrjenku.
„All-round-wuměłc“ je titul w swojej signaturje mejlkow, wotmołwi Jan Rječka na prašenje, pod kotrym zapřijećom by swoje powołanske aktiwity najlěpje zjał. Sedźimoj na dworje Tachelesa, něhdyšeje židowskeje kupnicy na Oranienburgskej w Berlinje, kotryž su wuměłcy w NDRskim času wobsadźili a z tym twarjenje před wottorhanjom zachowali.
Scooter, Böhmermann a Power-Party
Dožiwjenja a nazhonjenja z dźěćatstwa kreatiwne dźěło ...
Daniel Stolle pochadźa ze Šěrachowa, bydli pak na sewjerje Europy, w Finskej. Milenka Rječcyna je so z designerom produktow rozmołwjała. W lěće je w campje Fabmobila z młodostnymi wuměłsce dźěłał. Fabmobil je bus z wosebitym techniskim wuhotowanjom za kreatiwne dźěło.
Kak je k Wašemu sobuskutkowanju na lěćnym campje dóšło?
D. Stolle: Sym z Christianom Zöllnerom w Drježdźanach designowanje produktow studował. Tam sym tež Bosćija Pjacu zeznał. Wobaj staj Fabmobil wuwiłoj. Stare znajomstwo je takrjec zakład zhromadneho dźěła. Jako staj Christian a Bosćij projekt Fabmobil zahajiłoj, chcych hnydom něšto sobu přinošować. Spočatnje sym w dźěłarničkach był wobkedźbowar, sym ilustracije a rysowanki zhotowjał. Loni nawjedowach w Běłej Wodźe na jutrownym campje prěni króć dźěłarničku sam a lětsa potom w Zhorjelcu.
Přebywaće jónu abo dwójce wob lěto w Němskej. Chceće kursy Fabmobila dale přewodźeć a nawjedować?
Sće w šulispali abo što?
adwor – kóždolětny barowy swjedźeń. Mi so swjedźeń mjez mnohimi wopytowarjemi lubješe. Rano, jako budźak zaklinča, hladach tež ja – kaž nimale kóždy młodostny – na swoje šmóratko. Kaž přeco wočakowach najnowše powěsće a blady. Na Instagramje nadźijach so přinoškow a wobrazow z baroweho swjedźenja, ale město toho mi wulki čorny blok napřećo skoči. Najprjedy jón scyła zarjadować njemóžach a skočich na přichodny přinošk. Mi so widejo, w kotrymž wołachu ludźo wótře a jasnje „wukrajnicy won“, zjewi. Melodija znateho spěwa L‘amour toujours, kotryž so njedawno na Syltće a poněčim tež tu w Sakskej za prawicarskoekstremne wotpohlady znjewužiwa, w mojimaj wušomaj zaklinča. Bě to přinošk, kotryž měrješe so přećiwo demonstraciji CSD. Christopher-street-days so kóžde lěto přewjeduja, a to hižo wot lěta 1969. Demonstracije organizuja queerni – homoseksualni, non-binarni, transgender-ludźo a bi-seksualni. Přiwisnicy community LGBTQ+ zastupuja při tym hódnoty kaž tolerancu, swobodu, wjelorakosć a wosebje sebjepostajowanje.
foće: jörg stephanTurněr konjaceho sporta w Hórkach je kóžde ...
Turněr konjaceho sporta w Hórkach je kóžde lěto wjeršk za fanow, ale tež za sportowcow. Tež lětsa zaso wobhlada sej wulka ličba zahoritych wubědźowanja na znatym terenje. Za jěchanske towarstwo „Při Klóšterskej wodźe“ bě lětuši turněr přewšo wuspěšny. Nowy mišter w klasy dorosćenych je Křesćan Zahrodnik, w starobnej klasy U21 sebi Paulina Borowitza złoto zawěsći a Franciska Bobkec wudoby sej pola juniorow titul. Tež w sakskim mišterstwje U21 běchu serbscy jěcharjo wuspěšni. Nowy wicemišter je Jurij Bobka z Worklec. Někotre rjane impresije turněra je naš fotograf za was zapopadnył.
Krasne wjedro mnoho ludźi přiwabiło
fota: Vanessa Žurec
Spočatk awgusta přeprošeše Radworski młodźinski Klub zaso do swojeho kluba, zo bychu „Barowy
Na mjezy Azije a Europy krosnował
Syman Pöpel rozprawja wo swojich dožiwjenjach w Georgiskej, hdźež je sej són spjelnił
Hižo dołho wabjachu mje hory Kawkaza na wuchodźe Europy. Tutón cil sej we lěćnych prózdninach spjelnich. Prjedy pak hač k tomu dóńdźe, dyrbjach krosnowanskeho přećela namakać, kiž ma tohorunja chwile a lóšt, strapacy w dowolu na so wzać. Tuž wottelefonowach dołhu lisćinu a skónčnje mi přećel z Francoskeje připraji.
Z jasnym cilom před wočomaj trenowach na kolesu swoju kondiciju a na kamjenju krosnowanje. Wulke běše to wjeselo, jako so termin bližeše. Ale tež přihot za ličakom mi čas rubješe. Knihowachmoj jeničce lět do hłowneho města Georgiskeje do Tbilissi. Tamne předewzaća kaž nóclěh, transport do wokoliny abo čary, kotrež na wjerški Kawkaza wjedu, sej wšitko samaj organizowachmoj. A runje to njebě cyle tak lochko. Wšako njenamakaš za naju cile kopicu informacijow kaž na př. za tury w Alpach.
650 lět Smjerdźaca
Muzealne impresije – Smjerdźečenjo předstajeja swoju zašłosć
Wjele dźěła a prócy su wjesna rada, młodźinski klub a čłonojo wohnjoweje wobory w minjenymaj měsacomaj měli, zo bychmy kónc tutoho tydźenja 650lětny jubilej našeje wsy hódnje woswjećili. Jich namołwa, zo njech wjesnjenjo swoje statoki a předzahrodki swjedźensce wupyša, nańdźe přemóžacu rezonancu. A nimale bjez wuwzaća su so wšitcy za namjet zahorili, z dobrymi idejemi na zašłosć delanskeje wsy pokazać. Tak předstaja na dworach stare rjemjesła, trjebane ratarske graty a wězo tež někotrych bywšich wjesnjanow. Na tute wašnje stanje so cyła naša wjes z muzejom. Tole sej wobhladać so zadani, a štóž njeje hižo tak derje na nohomaj po puću, móže so po wsy wozyć dać. Sobotu kaž tež njedźelu Adelbert Bulank mjenujcy kóždeho rady ze swojimaj do kuče zapřehnjenymaj konjomaj po wsy wozy. Na tute wašnje móže sej kóždy wšo wobhladać a informacije pohonča su witane. Štóž chce so wo stawiznach wsy wobšěrnišo informować, njech sej wustajeńcu w kulturnym domje wobhlada.
Mjez ludźimi być a za nich skutkować
Zubny lěkar, chronikar, gmejnski radźićel a rodźeny Worklečan – dr. Beno Wałda je za swoju wjes žiwy
Sedźu w zymskej zahrodźe jednoswójbneho domskeho na kromje Worklec pola Wałdźic. Worklečanski zubny lěkar na wuměnku a wjesny chronikar dr. Beno Wałda mi na sowje měrne, přećelne, wědypołne wašnje powěda.
Són wo swójskej praksy sej spjelnił
Florian Kindermann wěnuje so derjeměću zwěrjatow – w powołanju ...
Florian Kindermann z Radworja so za skót zahorja, a to we wólnym času a powołanju. Zwěrjata jeho žiwjenje postajeja. Jako manager stadła je za derjeměće dejkow zamołwity. Zbytny čas wón konjam wěnuje.
31lětny pochadźa z rjemjeslniskeje swójby. Nan je moler a tež bratr Fabian rjemjesło wukonja. Florian Kindermann pak rozsudźi so po złoženju matury w lěće 2012 na Budyskim Serbskim gymnaziju za hinaši směr. „Mějach dwě opciji. Jónu zajimowach so za weterinarnu medicinu. W Němskej pak je jenož pjeć uniwersitow, na kotrychž skótnych lěkarjow wukubłaja. Městnow je mało a chětro požadanych“, Radworčan powěda. Druha móžnosć swoje powołanje zwěrjatam wěnować, je studij ratarskich wědomosćow. W nim dźě móžeš so po zakładnym studiju na wobłuk wo zwěrjatach orientować. Składnosć wuži a započa na uniwersiće w Hale studować.
Filozofija bjez słowow
Wustajeńca čajowych šalkow Barbary Kahlen w Pillnitzu
Dokelž chce sama bjezčasna a anonymna wostać, bě naležnosć jeje mandźelskeho a medijoweho wuměłca Wolfa Kahlena, w Europje mjenje znatu čajowu kulturu šěrić. Z lubosću instalowany je pohlad do cyłkowneho tworjenja wuměłče, kotraž je so wjele lět swojeho žiwjenja aziskemu wuměłstwu zhotowjenja keramiki wěnowała. Čajowe šalki, něhdźe wosom centimetrow wysoke a 14 centimetrow w přeměrje, ani jedna kaž druha a kóžda kaž jězba do dalokeho abo njeznateho kraja.
Muzej za wuměłstwowe rjemjesło w Pillnitzu bě na wotewrjenje přeprosył, kruh přećelow Statnych wuměłstwowych zběrkow bě přišoł, a wšitkim so bórze wuwědomi, zo wotměwa so tu něšto cyle wosebite. Njeńdźe jenož wo wustajane sudobja-objekty, ale tež wo filozofiju, wo estetiku, wo njeznate a znate. A wo lubosć.
