Z banerami w ukrainskich barbach dopomina ewangelska cyrkwinska wosada ...
Wot jutře winowatosć šćěpjenja w hladarnjach
Lindner za připłatkpři tankowanju
Přepytuja přećiwo Maierej
Dippoldiswalde (dpa/SN). Drježdźanske krajne sudnistwo je disciplinariske jednanje přećiwo bywšemu zapósłancej AfD w zwjazkowym sejmje Jensej Maierej zahajiło. Tak wobsteji nuzny podhlad, zo je Maier swoje słužbne winowatosće nastupajo swěru k wustawje, politisku zdźeržliwosć kaž tež dostojne a dowěrliwe zadźerženje ranił, justicne ministerstwo zdźěli. Maier bě so wčera do sakskeje justicy nawróćił a swoju słužbu na hamtskim sudnistwje w Dippoldiswalde nastupił.
Sakska justicna ministerka Katja Meier (Zeleni) kročel krajneho sudnistwa wuraznje wita. Wona na to skedźbnja, zo dyrbja so ludźo na to spušćić móc, zo so sudnicy a wšitcy zastojnicy k demokratiskim zasadam wuznawaja. Sakske justicne ministerstwo chcyše Jensa Maiera na wuměnk pósłać. Wo tym pak njeje hišće rozsudźene. Wustawoškit ma jeho za prawicarskeho ekstremista.
„Njewěrće propagandźe!“
Zmužita akcija w ruskej telewiziji – wjele ciwilnych woporow w Ukrainje
Kijew (dpa/SN). We woblěhowanym ukrainskim přistawnym měsće Mariupol ličba morjenych wobydlerjow ruskeho wobtřělenja dla dale přiběra. Po oficialnych informacijach je tam dotal 2 300 ludźi žiwjenje přisadźiło. Mjeztym dwacety dźeń ruskeje inwazije rozprawjeja tež w dalšich ukrainskich městach wo ruskim wobtřělenju. Wulku kedźbnosć zbudźiła je sobudźěłaćerka ruskeje telewizije, pokazowaca wčera we hłownych powěsćach plakat přećiwo wójnje.
Mariupol ze swojimi něhdźe 400 000 wobydlerjemi je mjeztym symbol ukrainskeho spjećowanja. Ukrainski prezident Wolodymyr Zelenskyj rjekny, zo zadźerža ruscy wojacy hižo tři dny transport ze sto tonami žiwidłow, wody a lěkow na kromje Mariupola. Knježerstwo w Kijewje chce wšitko za to činić ludźom pomhać. Poměry w měsće su po informacijach zamołwitych „nječłowjeske“. Tež wšitke pospyty ewakuacije su dotal zwrěšćili. Zelenskyj zdobom připowědźi, zo chcedźa dźensa dale ze zastupnikami Ruskeje jednać.
Hranicu docpěli
Za měr w Ukrainje demonstrowali
To a tamne (15.03.22)
Z najdlěšim triatlonom na lodźe je sportowc Dirk Leonhard wčera w Frankfurće nad Mohanom nowy swětowy rekord nastajił. Na wonkownej čarje lodosportoweje hale bě sej za swój projekt „IceMan“ naročny program předewzał: 42,2 kilometraj na smykačach, 80 kilometrow na kolesu a 42,2 kilometraj po lodźe běhać. Koleso, z kotrymž bě na lodźe po puću, měješe wosebite wobruče. Leonhard bě rano startował a je swój zaměr wječor po 164,4 kilometrach docpěł.
Z chorobnym stołom je so 87lětny starc na awtodróhu A 39 pola delnjosakskeho Salzgittera zabłudźił. Swědcy informowachu policiju. Jej muž rozłoži, zo je mylnje wopak wotbočił a nětko hižo njewě, kak móhł so zawróćić. Zastojnicy městnosć najprjedy raz zawěsćichu, přiwołachu wotwlečensku słužbu za koleskaty stoł a dowjezechu muža domoj.
Patriarch Kyril I. kritizowany
Berlin (B/SN). Ewangelska teologowka Margot Käßmann zadźerženje rusko-ortodoksneje cyrkwje k wójnje na Ukrainje wótrje kritizuje: „Patriarch Kyril mjelči a wójnu ani njenaspomnja. Cyrkwje maja k měrej pohonjeć a wójnu wotpokazać, a ženje njesmě so cyrkej na nacionalizm powołać a so z narodnymi zaměrami identifikować.“ Mjeztym su tež rusko-ortodoksni lajkojo w zjawnym lisće patriarcha Kyrila I. namołwili, prezidenta Ruskeje naležnje prosyć, zo by krejpřeleće zakónčił a wojerske jednotki z Ukrainy cofnył.
Žadanja přirady potrjechenych
Kupja nowe bojowe lětadła
Berlin (dpa/SN). Zwjazkowe knježerstwo chce wojerske lětarstwo Zwjazkoweje wobory we wobłuku miliardy eurow wopřijaceho ponowjenskeho programa z nowymi bojowymi lětadłami F-35 z USA wobrónić. Mašiny twarca lětadłow Lockheed Martin maja mjeztym 40 lět wužiwane mašiny typa Tornado narunać. F-35 je najmoderniše bojowe lětadło swěta a móže tež atomowe brónje nosyć. Kupić chce Němska 35 tajkich.
Kritizuje planowane wolóženja
Berlin (dpa/SN). Něšto dnjow do skónčenja najwjace škitnych naprawow koronawirusa dla politiku zwjazkoweho knježerstwa přiběrajcy kritizuja. Předsyda załožby za škit pacientow Eugen Brysch rjekny nowinarjam: „Hdyž nowy zakoń tak schwala, kaž planowane, bě dźěło minjeneju dweju lět podarmo.“ Wot 20. měrca ma najwjace naprawow wotpadnyć. Sydomdnjowska incidenca je z 1 543 padami mjeztym nowy rekord docpěła.
1,8 milionow ćěkancow dóšło
