Delnjoserbska rěčna šula 30lětnu róčnicu woswjećiła
Choćebuz (KPo/SN). Šula za delnjoserbsku rěč a kulturu je we wobłuku swjedźenskeho programa minjeny štwórtk w Choćebuskim měšćanskim domje swoje 30lětne wobstaće woswjećiła. Přichwatali běchu čestni hosćo z politiki, mnohich serbskich institucijow, docenća šule, partnerojo, maćernorěčni ze serbskich wsow a hosćo z Pólskeje. Uta Henšelowa, mjeztym pjeć lět nawodnica kubłanišća, je zarjadowanje w połnje wobsadźenej žurli wotewrěła. Jako zastupnica wyšeho měšćanosty posrědkowaše Maren Dieckmann, decernentka za młodźinu, sport a socialne naležnosće, zbožopřeća města Choćebuza jako nošerja rěčneje šule.
Zaso zhromadnje sportowali
Styki nawjazali
Kermušku w Šunowje woswjećili
Pod hesłom „Glow in the dark“ – „Sw(j)ěćić kaž błudnička“ su dwanatkarjo Budyskeho Serbskeho gymnazija zašły pjatk w Šunowskej Fabrikskej hospodźe woswjećili swoju kermušku. Za to běchu sej dresscode „all white“ dorěčeli, kotryž sej žadaše, zo mějachu sej wšitcy wobdźělnicy běłu drastu zwoblěkać.
Šunow (joh/SN). Po dwulětnej přestawce koronoweje pandemije dla, wotměwaše so kermuška dwanatkarjow Serbskeho gymnazija lětsa zaso we Šunowskim hosćencu. Wot 19 hodź witachu tam wučerjow a šulerjow gymnazija, poł hodźiny pozdźišo přizamkny so program lětušich wotchadnikow kubłanišća.
Přećelske zetkanje na Budyskej šuli
Samsne starosće
Zabawna serbsko-pólska wuměna
Zwiski mjez partnerskimaj gmejnomaj Chósćicy we Łužicy a Leśnica w Pólskej su koronapandemiju přetrali. Tón tydźeń je so zetkanje šulerjow partnerskeju šulow w Chrósćicach wotměło.
Chrósćicy (SŠ/SN). Po słowjanskej tradiciji witachu šulerjo Chróšćanskeje Serbskeje zakładneje šule „Jurij Chěžka“ skupinu šulerjow a wučerkow z pólskeje Leśnicy z chlěbom a selu. Wottam běchu sej póndźelu připołdnju štyri wučerki a 36 šulerjow 4., 5., 6. a 8. lětnika do Łužicy dojěli, w Pólskej maja na zakładnej šuli 1. do 8. lětnik. Wotpohlad zetkanja běše, wobstejace styki skrućić a nowe nawjazać. Po witanju ze spěwom a basnju je sej 16 pólskich dźěći hromadźe ze šulerjemi 4. lětnika z Chrósćic do zeloweje zahrody klóštra Marijina hwězda w Pančicach-Kukowje dojěło. Wikar Tomaš Dawidowski je jim w pólskej rěči klóšter předstajił. Zdobom su wužili składnosć, změšeć zelowu sel a butru, a sej z tym pomazanu a poselenu pomazku zesłodźeć dali.
Ze syću zajimcow wotewrjeny diskurs tworić
Wojerowska měšćanska biblioteka „Brigitte Reimann“ zahaji projekt pod hesłom „Wotewrjena dźěłarnja za demokratiju“. Wobsahowe ćežišća maja być wobydlerstwo, interkulturalita, medijowa kompetenca a digitalizacija kaž tež strukturna změna.
Wojerecy. (AK/SN). Projekt, kotryž spěchuje Sakske statne ministerstwo justicy a za demokratiju, Europu a runostajenje z programa „Městnosće demokratije“, ma trać do kónc lěta 2024. Wojerecy su jedna z 13 městnosćow w Sakskej, hdźež tajku dźěłarnju zarjaduja. „Zaměr je, mnohe městnosće demokratije wutworić. Trjebamy wotewrjenosć“, potwjerdźi statna sekretarka dr. Gesine Märtens z ministerstwa zańdźenu srjedu na zahajenju projekta we Wojerecach. Partnerojo su město, Kulturny zwjazk, Regionalne dźěłanišćo za kubłanje, demokratiju a perspektiwy žiwjenja (RAA), ludowa uniwersita, Kulturna fabrika, kompjuterowy muzej Konrad Zuse, Domowina a Krabatowy młyn Čorny Chołmc kaž tež młodźinska měšćanska rada a młodźinski klub Ossi.
Wustajeńca Płomjenja w Bošecach
Hort w Slepom nětko ze swójskim mjenom
Slepo (CK/SN). Hort Němsko-serbskeho šulskeho centruma w Slepom ma wotnětka swójske mjeno. Minjeny pjatk staj Slepjanski drjeworězbar Tomas Schwarza a rěčnica Domowiny za Slepjanski region Diana Maticowa zhromadnje z dźěćimi we wobłuku swjatočnosće w sportowej hali banćiki při skulpturje „Błudnički“, kotraž njedaloko zachoda do horta přichadźacych wita, roztřihałoj. Něhdźe štyri metry wysoka postawa je zdobom dźesata stacija serbskeje šćežki powědkow, kotraž tuchwilu w Slepom nastawa. Na płoće šulskeje ležownosće ma za něšto tydźenjow slědować tafla. Tak móža so tež wonkowni zajimcy wo błudničkach informować.
Zhromadnje z dźěćimi podachu so kubłarjo a kubłarki do swěta powědkow a počachu so za błudnički zajimować. Fosforeskowace swětleška wodźa ludźi po bahnu. „Runje tak chcemy tež my być dźěćom pokazowaki, chcemy jim być poboku pomocliwi a wobchad połny mjezsobneho respekta pěstować“, rjekny Christin Becker.
