Mjenje testow hód dla
Budyšin. Pohodowna incidenca w koronapandemiji Budyskeho wokrjesa je po Roberta Kochowym instituće dźensa 127,5. Za wokrjes Zhorjelc je RKI 372,8 podał. W kotrej měrje ličbje woprawdźite połoženje rysujetej, njehodźi so rjec. Wšako su so za čas hodownych swjatych dnjow mjenje testow přewjedowali. Hakle dźensa popołdnju wobaj wokrjesaj aktualne ličby natyknjenjow wozjewitej.
Za nowu zwukowu připrawu
Podstupim/Choćebuz. Braniborske kulturne ministerstwo přewostaja Choćebuskemu statnemu dźiwadłu lětsa a klětu 525 000 eurow ze zamóženja stron a masowych organizacijow NDR. Spěchowanje słuži kupje moderneje, wukoniteje zwukoweje připrawy za Wulki dom na Liebknechtowej. Přisłušna ministerka Manja Schüle (SPD) mjenuje dźiwadło „kulturnu swětłownju regiona“, kotraž „trjeba hdys a hdys booster“.
Hotowostna słužba wohrožena
Dotal žadyn omikron-pad
Budyšin. W Budyskim wokrjesu njeje dotal žadyn pad z omikron-wariantu koronawirusa znaty, zdźěli krajnoradny zarjad wčera na naprašowanje. Tam rozprawjachu wutoru wo 608 natyknjenjach a pjeć smjertnych padach, incidenca wučinješe po RKI 422,8. We wokrjesu Zhorjelc bě incidenca 449,8. Tam informowachu wčera wo 241 infekcijach. Ličba zemrětych pacientow bě dźesać.
Deklaracija intendantow
Drježdźany. Sakska ministerka za kulturu Barbara Klepsch (CDU) je zhromadnje z intendantami dźiwadłow z Budyšina, Freiberga a Drježdźan deklaraciju za wjace empatije, solidarity a čłowjeskosće w času koronapandemije wozjewiła. Tak podpisarjo namołwjeja so šćěpić dać a so po korona-naprawach měć. Woni zasudźeja kóždužkuli formu hidy a namocy. Dalši akterojo su witani so deklaraciji přizamknyć.
Digitalna sćěnowina z idejemi
Dale mjenje infekcijow zwěsćili
Budyšin. To zdawa so měr do přichodneje žołmy być. Incidenca po Roberta Kochowym instituće je w Budyskim wokrjesu na 510,7 a w Zhorjelskim na 460,2 woteběrała. Wokrjes Budyšin rozprawješe wčera wo 236 natyknjenych z koronawirusom a pjeć zemrětych pacientach. Wokrjes Zhorjelc informowaše wo 308 infekcijach a dwěmaj smjertnymaj padomaj.
Lessingowe myto přepodate
Drježdźany. Poprawom za 26. nowember planowane přepodaće Lessingoweho myta je so korony dla digitalnje wotměło. Tak spožči wčera sakska kulturna ministerka Barbara Klepsch (CDU) intendantej Düsseldorfskeho dźiwadła Wilfriedej Schulzej hłowne a publicistce Jackie Thomae, spěwarce Annje Mariji Vogt kaž tež žurnalistce Jasnje Zajček spěchowanske myto. Film je pod adresu přistupny.
Hundert nowa społnomócnjena
Merz chce Kretschmera za wice
Drježdźany. Designowany zwjazkowy předsyda CDU Friedrich Merz je sakskeho ministerskeho prezidenta Michaela Kretschmera znowa za swojeho městopředsydu namjetował. Wón je wotewrjeny a móže sej tajke zastojnstwo derje předstajić, kaž powěsćernja dpa rozprawja. Krajny zwjazk CDU wčera zdźěli, zo bě so Merz na digitalnej sobustawskej konferency za Kretschmera zasadźił.
Indicenca do hód woteběraca
Budyšin. Incidenca do hód w Hornjej Łužicy dale woteběra. Roberta Kochowy institut je dźensa za Budyski wokrjes 717,8 a za Zhorjelski 491,3 podał. Wot pjatka hač do wčerawšeho registrowaše wokrjes Budyšin 520 natyknjenjow z koronawirusom a 15 smjertnych padow. Wokrjes Zhorjelc rozprawja wo 298 infekcijach a wo dwěmaj zemrětymaj.
Peticiji žnějetej wulki wothłós
Dale tójšto smjertnych padow
Budyšin. Na spočatku dohodowneho tydźenja je incidenca po Roberta Kochowym instituće dźensa w Budyskim wokrjesu 838,9 a w Zhorjelskim 661,7. Minjeny pjatk registrowaše wokrjes Budyšin wo 399 natyknjenjow z koronawirusom a dźewjeć smjertnych padow. Samsny dźeń mjenowaše wokrjes Zhorjelc 288 infekcijow a 18, hižo w prěnjej połojcy decembra zemrětych pacientow.
Serbske Nowiny sobu najlěpše
Budyšin/Berlin. Serbske Nowiny su jedne z třoch nowin po cyłej Němskej, kotrež su w akciji Zwjazka žurnalistow Němskeje (DJV) „Fotografojo maja mjeno“ najlěpje wotrěznyli. W redakciji serbskeho wječornika runje tak kaž pola Main-Post a Straubinger Tageblatt wosebje swědomiće z podaćom mjenow fotowych žurnalistkow/žurnalistow wobchadźeja, kaž DJV minjeny pjatk zdźěli.
Zalutuja ludźom dołhe puće
Incidenca snadnje niša
Budyšin. Roberta Kochowy institut je dźensa za Budyski wokrjes incidencu 896,3 a za Zhorjelski 657,3 podał. We wokrjesu Budyšin zwěsćichu wčera 697 natyknjenjow z koronawirusom a štyri smjertne pady. Wo 283 nowoinfekcijach informowaše Zhorjelski wokrjes, kotryž je wčera statistiku zemrětych wo dwanaće z doby wot 30. nowembra do 10. decembra wudospołnił.
Doktorske dźěło zakitował
Praha. Lektor za delnjoserbšćinu na Instituće za sorabistiku Lipšćanskeje uniwersity Stanislav Tomčík je wčera swoju disertaciju na Karlowej uniwersiće w Praze wuspěšnje zakitował. „Rěč nacionalsocialistiskeje propagandy we łužiskoserbskich ćišćanych wozjewjenjach 30tych lět“ bě tema doktorskeho dźěła. Posudźowałoj stej je dr. Martina Šmejkalová z Prahi a serbska rěčespytnica dr. Jana Šołćina.
Hižo wjac hač 11 300 podpismow
Dalše smjertne pady
Budyšin. Ličba na a w zwisku z koronu zemrětych pacientow w Hornjej Łužicy přiběra. W Budyskim wokrjesu mjenowachu wčera pjeć smjertnych padow a 554 dalšich natyknjenjow. We wokrjesu Zhorjelc rozprawjachu wo wosom zemrětych w času wot 2. do 12. hodownika. Incidenca po Roberta Kochowym instituće je dźensa w Budyskim wokrjesu 937,2 a w Zhorjelskim 730,0.
Ptači kwas wotprajeny
Budyšin. Serbski ludowy ansambl je pandemije dla znowa ptačokwasnej programaj wotprajił. Nawodnistwo SLA je so hromadźe z režiseromaj za to rozsudźiło, dokelž njeje wotwidźeć, zo so połoženje w januarje a februarje rapidnje polěpši a zo budu zjawne předstajenja w dźiwadłach zaso móžne. Dźěćacy ptači kwas „Leć ze mnu!“ kaž tež wječorny ptači kwas „Njewěsta njewjesta“ swjećitej tuž w januarje 2023 premjeru.
Wólbny termin postajili
Ličba zemrětych přiběrała
Budyšin. Dźensa leži incidenca we woběmaj hornjołužiskimaj wokrjesomaj pod tysac, ze spadowacej tendencu. Roberta Kochowy institut je za Budyski wokrjes 851,3 podał, za Zhorjelski 645. W Budyskim wokrjesu su wčera wo 410 natyknjenjach z koronawirusom informowali, dźesać pacientow je zemrěło. 308 infekcijow a dźewjeć smjertnych padow mjenowachu we wokrjesu Zhorjelc.
Wjac serbskich zarjadowanjow
Berlin. Wjac serbskich zarjadowanjow chcedźa w Berlinskim zastupnistwje Sakskeje přewjesć. Na to dojednaštaj so wčera předsyda Domowiny Dawid Statnik a społnomócnjeny Zwjazka za Saksku Conrad Clemens. Dale stej łužiskej zapósłanči SPD Sylvia Lehmann a Kathrin Michel wčera přilubiłoj, jako přećelce serbskeho ludu w zwjazkowym sejmje skutkować. Rěčał je Statnik tež ze zapósłancom SSW Stefanom Seidlerom.
Spěchuja kulturne herbstwo
Mjenje natyknjenjow
Budyšin. Wo 879 natyknjenjach z koronawirusom, 272 mjenje hač před tydźenjom, a třoch smjertnych padach wot minjeneho pjatka je Budyski wokrjes wčera rozprawjał. Incidenca po RKI je dźensa z 1 050,3 snadnje woteběrała. We wokrjesu Zhorjelc wučinja wona 739,9. Wčera informowachu tam wo 521 infekcijach wot zašłeho pjatka a wo štyrjoch pacientach, kotřiž su w času wot 19. nowembra do 1. decembra zemrěli.
Ćežišća w regionje skrućić
Drježdźany. Němski zwjazk dźěłarnistwow (DGB) Sakskeje ma plany koncerna Alstom, dźěłowe městna w Zhorjelskim a Budyskim zawodźe šmórnyć, za dyr do wutroby. Předewšěm strukturneje změny dla měli so ćežišćowe industrije skrućić, DGB informuje. Wobchadna industrija ze železniskim wobłukom ma tež w zwisku z klimowymi zaměrami klučowe funkcije přewzać.
LEAG změje noweho šefa
Dalši pacienća zemrěli
Budyšin. Incidenca po Roberta Kochowym instituće wučinja dźensa w Budyskim wokrjesu 1 172,1. Wčera bě tróšku wyša hač tysac. Krajnoradny zarjad bě pjatk wo 649 natyknjenych z koronawirusom a třoch zemrětych pacientach rozprawjał. Samsny dźeń mjenowachu we wokrjesu Zhorjelc 414 nowoinfekcijow a 16 smjertnych padow. Tam je incidenca po RKI dźensa 993,8.
Kemše serbsce wobrubili
Pančicy-Kukow. Sćelak Deutschlandfunk je wčera Božu mšu z klóštra Marijineje hwězdy w Pančicach-Kukowje wusyłał. Hudźbnje wobrubiła je ju 1. serbska kulturna brigada pod nawodom Friedemanna Böhme ze serbskimi spěwami. Kemše swjećeše kapłan Jens Buliš. Abatisa Gabriela Hesse je kemšerjow a připosłucharjow witała a na serbsko-němsku dwurěčnosć w regionje skedźbniła.
Chcedźa olympiadu bojkotować