Slawistka dr. Irena Šěrakowa je lawreatka Myta Zejlerja 2016
Drježdźany/Budyšin (SN/at). Dr. Irena Šěrakowa z Pančic-Kukowa dóstanje lětuše wuznamjenjenje za serbsku rěč, Myto Zejlerja. To je sakska statna ministerka za wědomosć a wuměłstwo dr. Eva-Maria Stange (SPD) dźensa wozjewiła, sćěhujo poručenje sydomwosoboweje jury. Po Baćońskim fararju Geraće Wornarju, kotremuž bě w smažniku 2014 tehdyša ministerka prof. Sabine von Schorlemer premjerne Myto Zejlerja w Kamjenskej Haninej cyrkwi spožčiła, je Irena Šěrakowa nětko druha lawreatka.
