Špihel žiweje ludoweje kultury

pjatk, 30. junija 2017
artikl hódnoćić
(0 )
Tež łužiske ćělesa, mjez nimi Němsko-Serbski ansambl Choćebuz, su so na lětuši folklorny festiwal jara derje přihotowali. Wšako steja runje na tymle domjacym zarjadowanju we wulkej konkurency ze swojimi mjezynarodnymi hosćimi.  Foto: SN/Maćij Bulank Tež łužiske ćělesa, mjez nimi Němsko-Serbski ansambl Choćebuz, su so na lětuši folklorny festiwal jara derje přihotowali. Wšako steja runje na tymle domjacym zarjadowanju we wulkej konkurency ze swojimi mjezynarodnymi hosćimi. Foto: SN/Maćij Bulank

Mjezynarodny je folklorny festiwal „Łužica“, a přihladowarjo su přeco wćipni , što jim hosćo z cyłeho swěta předstajeja. Ale tež ćělesa z łužiskeje domizny maja něšto poskićeć – a to móže so runje tak widźeć dać.

Po njedźelnym festiwalnym swjedźenskim ćahu słušeše jewišćo na Chróšćanskej Fulkec hórce łužiskim folklornym skupinam. Kaž wočakowane, běchu so wone na tónle wustup před wulkim publikumom zbliska a zdaloka nimoměry derje přihotowali. Stejachu dźě tu doma znowa w konkurency z mnohimi tohorunja na mjezynarodnym podiju wupruwowanymi ludowymi wuměłcami. Wša česć słuša tuž našim rejowanskim skupinam, hač wulkim abo mjeńšim, a zdobom chwalba spěwarjam a hudźbnikam, kotřiž wědźa jako derje fungowacy cyłk serbske kulturne herbstwo z modernymi aspektami jako něšto nadčasne předstajić a zdobom jako špihel žiweje ludoweje kultury Serbow zjawnosći znowa pokazać.

wozjewjene w: Předźenak
Prošu přizjewće so, chceće-li komentar podać

Serbska debata

nowostki LND