Egyptowski rejwar „star“ swjedźenja w Hochozy był

pjatk, 30. junija 2017
artikl hódnoćić
(0 )
Tónle egyptowski rejwar je wopytowarjow pjatk na Hochožanskich statokach runje tak wobkuzłał  kaž hižo dźeń do toho w Budyšinje a po tym w Chrósćicach.  Foto: Janek Wowčer Tónle egyptowski rejwar je wopytowarjow pjatk na Hochožanskich statokach runje tak wobkuzłał kaž hižo dźeń do toho w Budyšinje a po tym w Chrósćicach. Foto: Janek Wowčer

Po Janšojskim lětnim swjedźenju loni w awgusće je Delnja Łužica nětko dalši wjeršk w serbskim kulturnym a Domowinskim žiwjenju dožiwiła. Z mnohich skupin a towarstwow župy Delnja Łužica přichwatachu ludźo do Hochozy na zarjadowanje folklorneho festiwala „Łužica“. Mnohe holcy a žony běchu so k tej składnosći zhotowali serbsku narodnu drastu – dźěłansku a swjedźensku. K nim słušachu młode čłonki Domowinskeje skupiny z Mosta a Barbuka kaž tež zastupjerki tradiciskeho towarstwa ze Žylowka (Merzdorf).

Hochožanski serbski wjesnjanosta Fryco Wojto – na jeho statoku bě tohorunja jewišćo za program spřihotowane – bě po wšěm zdaću najzbožowniši čłowjek na swjedźenju. Wulka próca cyłeje wsy je so wudaniła, a tak bě jemu festiwal najlěpše wabjenje za Serbow, Domowinu a Łužicu, kaž wón zwurazni.

Na jednotliwych dworach a jewišćach su tež lětsa zaso młodźi serbscy žurnalisća Anne Holzschuhojc a Katarzyna Fidek z RBB, Ines Neumannojc z Noweho Casnika kaž tež młody student hudźby Christian Kliem serbsce a němsce moderěrowali.

wozjewjene w: Předźenak

Galerija

dalši wobraz (3) Finale festiwala je njedźelu tež patron swjatka, ministerski prezident Stanisław Tilich, wopytał.
Prošu přizjewće so, chceće-li komentar podać

Serbska debata

nowostki LND