Krabat, zornowc a wotstup

pjatk, 05. januara 2018
artikl hódnoćić
(0 )
W Miłočanskej skale wotmě so kónc žnjenca nimale dwutydźenska 11. mjezynarodna wuměłska dźěłarnička. Dźesać čěskich, němskich a serbskich rězbarjow a socharjow tworješe tam zornowcowe, drjewjane abo kompozitne skulptury. W Miłočanskej skale wotmě so kónc žnjenca nimale dwutydźenska 11. mjezynarodna wuměłska dźěłarnička. Dźesać čěskich, němskich a serbskich rězbarjow a socharjow tworješe tam zornowcowe, drjewjane abo kompozitne skulptury.

Třeća wosebita wustajeńca Budyskeho Serbskeho muzeja wěnowaše so najskerje najznaćišej serbskej mytiskej bytosći. Wulce a wobšěrnje zapołoženy projekt „Krabat – Muž – Mytos – Marka“ wuwjercholi w třidźělnej přehladce, kotraž ma so po finisaži w jutrowniku lětsa nimale dospołnje zachować.

Lěćo 2017 bě lěćo wuměłstwa. Byrnjež mjezynarodny swjedźeń poezije internych diferencow w Zwjazku serbskich wuměłcow dla wupadnył, su z počesćenjom Jurja Chěžki – wón měješe w srjedźišću festiwala poezije stać – wuznamneho serbskeho awantgardista-basnika dostojnje wopominali.

Wulki wothłós zbudźi 11. mjezynarodna dźěłarnička rězbarjow a socharjow w Miłočanskej skale. Zarjadowarjo běchu runja wuměłcam přewšo spokojom, a wulke připóznaće publikuma da organizatorow wo dalšim rozšěrjenju rozmyslować. 19. nukstock-openair přiwabi wjace hač 700 přećelow njewšědnych njekomercielnych zynkow k Nukničanskej skale.

Jan Buk, nestor serbskeho tworjaceho wuměłstwa, woswjeći swoje 95ćiny.

wozjewjene w: Serwis

Galerija

dalši wobraz (1) Składnostnje stoćin Jurja Chěžki 22. smažnika zhromadźichu so zajimcy na iniciatiwu SN we wsy Hórkach, hdźež serbskeho lyrikarja před jeho ródnym domom počesćichu. Nimo swójbnych běchu zastupjerjo Domowiny, Zwjazka serbskich wuměłcow a Maćicy Serbskeje přitomni. W mjenje Chróšćanskeje gmejny je wjesnjanosta Marko Kliman (CDU) kwěćel połožił.
dalši wobraz (2) Wosebita wustajeńca Serbskeho muzeja „Krabat – Muž – Mytos – Marka“ wukopa so jako hoberski njedokónčeny projekt a wostanje hač do jutrownika 2018 přistupna. Patron ekspozicije je honorarny konsul Chorwatskeje dr. Peter Neumann.
dalši wobraz (3) Mnozy wólbni pomocnicy su tež we Łužicy kaž tu w Pančicach-Kukowje wólbne lisćiki ličili. W požnjencu spožči suweren politikarjam nadawk, nowe knježerstwo wutworić – čemuž pak hač do dźensnišeho dóšło njeje.
Prošu přizjewće so, chceće-li komentar podać

nawěšk

nowostki LND