Dobyćerjo w poražce

pjatk, 05. januara 2018
artikl hódnoćić
(0 )
Sakski ministerski prezident Stanisław Tilich přepoda we winowcu w mjenje kuratorija Załožby za serbski lud Myto Ćišinskeho. Spěchowanske myto zdoby sej spisowaćelka Lubina Hajduk-Veljkovićowa. Serbskemu komponistej Jurej Mětškej (wotlěwa) spožčichu wuznamjenjenje za jeho žiwjenski skutk na polu kompozicije a hudźbneho slědźenja. Sakski ministerski prezident Stanisław Tilich přepoda we winowcu w mjenje kuratorija Załožby za serbski lud Myto Ćišinskeho. Spěchowanske myto zdoby sej spisowaćelka Lubina Hajduk-Veljkovićowa. Serbskemu komponistej Jurej Mětškej (wotlěwa) spožčichu wuznamjenjenje za jeho žiwjenski skutk na polu kompozicije a hudźbneho slědźenja.
Kito Lorenc namaka na Bukečanskim kěrchowje swój posledni wotpočink. Přiwuzni a přećeljo su so na žarowanskej swjatočnosći z nim rozžohnowali. SN/Maćij Bulank

Sportowy wjeršk lěta 2017 we Łužicy bě hra prěnjeho koła sakskeho koparskeho pokala mjez SJ Chrósćicami a FSV Zwickauwom. Domjacy drje 0:5 podležachu, hladajo na skoro 800 přihladowarjow a na fakt, zo bě prěni raz po přewróće profijowe mustwo z hosćom wi­nowatostneje­ hry, směmy wuslědk přiwšěm za wuspěch wopisać.

Razna kritika předpředchadnika Kurta Biedenkopfa bě ćišć na sakskeho pre­miera Stanisława Tilicha powjetšiła. Tilich namjetowaše Zhorjelčana Michaela Kretsch­mera (CDU) za naslědnika na čole sakskeje CDU a knježerstwa. 12. hodownika je oficialnje wotstupił. 13. hodownika bu Kretschmer w Drježdźanach za noweho ministerskeho prezidenta Sakskeje wuzwoleny. Serbskim temam wšak so dotal konkretnje wuprajił njeje.

wozjewjene w: Serwis

Galerija

dalši wobraz (1) Hra SJ Chrósćicy – FSV Zwickau spočatk winowca wo sakski koparski pokal je drje so 0:5 skónčił, bě pak z nimale 800 přihladowarjemi wjeršk sportoweho lěta w Serbach. Foto: Jörg Stephan
dalši wobraz (2) Wosebity přednošk superintendenta Jana Malinka na hłownej zhromadźiznje Bratrowstwa w Kulowje wobswětli stawizny reformacije a jeje wuznam za Serbow. Bratrowstwo dźakowaše so ze zběrku listow Alojsa Andrickeho. Foto: Alfons Handrik
dalši wobraz (3) Na Budyskich koncertach „musica nova sorabica“ je w Serbskim muzeju, Michałskej cyrkwi a na žurli SLA tójšto prapremjerow zaklinčało. Twórby Feliksa Brojera, Jana Cyža a Ulricha Pogody zahra mjez druhim Gerold Gnausch (srjedźa).
Prošu přizjewće so, chceće-li komentar podać

nawěšk

nowostki LND