Koncert na hrodźe
Wojerecy. Ansamblowy chór Atelier kaž tež šulerjo Wojerowsko-Berlinskeho ateljeja Zwukowe wuměłstwo hudźa jutře wot 17 hodź. na žurli Wojerowskeho hrodu. Zastup na koncert pod nawodom Anje Mertin je darmotny.
Mócny „hrimot“ w Kotołni
Dźěžnikecy. EASY/DC je w domje! Najlubša AC/DC-tributeband w Dźěžnikečanskej Kotołni jutře wot 21 hodź. zaso jónu tak prawje „zapyri“. Optisce a muzikalisce skupina publikumej wšo, štož je někak móžno, awtentisce poskići. Na to so třo hardrockerojo hižo jara wjesela.
Spektakularny přednošk
Lubij. „Weltberge – die 4. Dimension“ je Reinholda Messnerowy najnowši a bjezdwěla najspektakularniši přednošk. Njedźelu, 3. februara, wot 18 hodź. chce Messner swój publikum w Lubijskej zarjadowanskej hali na pućowanje k 13 najwažnišim wjercham krosnowanskich stawiznow sobu wzać.
Wopominaja zbóžneho
Radwor. Na wopomnjenskim dnju zbóžneho Alojsa Andrickeho njedźelu, 3. februara, budu w Radworju w 9 hodź. swjatočne kemše. Chór Lipa z Pančic-Kukowa Božu mšu wobrubi.
Měnjenski dźeń na pósće