Agenća CIA w Iranje zajeći

póndźela, 22. julija 2019
artikl hódnoćić
(0 )

Teheran (dpa/SN). Iranska tajna słužba je po swójskich informacijach syć CIA, tajneje słužby USA, w Iranje wotkryła. W tym zwisku su 17 agentow zajeli, zdźěli rěčnik wotrjada iranskeje tajneje słužby k wotwobaranju spionaže. Wšitcy zajeći su iranscy staćenjo. Někotrym z nich hrozy smjertne chłostanje. Tež někotre europske a aziske kraje běchu na zasadźenjach CIA přećiwo Iranej wobdźělene, rěčnik nowinarjam zdźěli.

Nowy naćisk Spahna

Berlin (dpa/SN). Wot zwjazkoweho mi­nistra za strowotnistwo Jensa Spahna (CDU) nastorčena reforma nuzoweho strowotniskeho zastaranja nabywa konkretne formy. Po informacijach medijow Spahn planuje, nuzowe čisło 112 za wuchowansku słužbu a čisle 116 a 117, z kotrymajž su terminowe serwisowe městna samostatnych lěkarjow docpějomne, hromadźe połožić. Pacienća móža tak posudk dóstać, hač dyrbja do chorownje abo hač ambulantne zastaranje dosaha.

Pompeo Mexikej so dźakował

Mexiko-City (dpa/SN). Wonkowny minister USA Mike Pompeo je při swojim wopyće w Mexiku prócowanja susodneho kraja přećiwo ilegalnej migraciji chwalił. Na zetkanju z wonkownym ministrom Mexika, Marcelom Ebrardom dźakowaše so Pompeo za naprawy, kotrež su wočiwidnje k tomu přinošowali, zo mjenje ilegalnych migrantow mjezu k USA docpěwa. USA běchu Mexiko ultimatiwnje k naprawam přećiwo migraciji namołwjeli. Ultimatum je dźensa wotběžał.

wozjewjene w: Politika
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND