Hišće ženje tajke napjate finale

wutora, 01. oktobera 2019
artikl hódnoćić
(0 )
Filip Kral (nalěwo, Róžant), Pawl Domš (srjedźa, Zejicy) a Křesćan Grutka (naprawo, Chrósćicy) su lětsa dumperowe mišterstwa dominowali a sej w cyłkownym hódnoćenju wšitke podestne městna zawěsćili.  Foto: Feliks Haza Filip Kral (nalěwo, Róžant), Pawl Domš (srjedźa, Zejicy) a Křesćan Grutka (naprawo, Chrósćicy) su lětsa dumperowe mišterstwa dominowali a sej w cyłkownym hódnoćenju wšitke podestne městna zawěsćili. Foto: Feliks Haza

5. běh wo němske dumperowe mišterstwa w Hórkach přewjedli

Snano sej Pawl Domš dźensa, dwaj dnjej po wulkim finalu, praji, zo by šerpatka rizi­ka mjenje njedźelu w Hórkach wu­bědźowanskej taktice lěpje tyła. Zejičan měješe na pjatym běhu němskich dumperowych mišterstwow, kotryž bě zdobom finalny, mjenujcy nanajlěpše šansy, serijoweho dobyćerja Filipa Krala z Róžanta z dumperoweho tróna storčić.

Po sobotnym kwalifikaciskim běhu, kotryž hižo hódnoćachu, ležeštaj kontrahentaj jeničce sydom­ stoćinow rózno. Woběmaj bě so dźeń do finalneho běha pod swětłomjetakami perfektne koło pora­dźiło. Domš bě za nje 58,08 sekundow trjebał, Kral 58,01 sek. Wobručow na čarje njeběštaj so wobaj dótknyłoj. Tuž bě jasne, zo budźe zakónčaca jězba lětušich mišterstwow chětro napjata w stawiznach dumpersporta, wšako Róžeńčan cyłkowny klasement po štyrjoch běhach z jenož dwěmaj dypkomaj na­wjedowaše.

wozjewjene w: Sport
Prošu přizjewće so, chceće-li komentar podać

Serbska debata

nowostki LND