Wo zwiskach Serbow k Čecham
Chrósćicy. W rjedźe 9. kulturneje zymy póńdźe dźensa wječor w Chróšćanskej putniskej hospodźe wo zwiski mjez Serbami a Čechami. Wot 19.45 hodź. přednošuje tam dr. Lubina Malinkowa z Rakec na temu „Wo čěskich eksulantach a Serbach“. Zajimowani su tuž lubje witani. Jutře, sobotu, přeproša putniska mać Monika Gerdesowa dźěći na dalše serbske dźěćace kino. Widźeć budźe trikowy film „Micka z Kocorkowa“. Započatk je w 16 hodź. Dalše informacije namakaće tež pod www.pilgerherbergecrostwitz.de.
Kamjenski spektakulum
Kamjenc. Na adwentne wiki wosebiteho razu sće tež lětsa zaso do Kamjenca přeprošeni. Tam wotměje so jutře a njedźelu 16. bajkojty adwentny spektakulum wokoło Kamjenskeje Słodarnje. Wiki su jutře kaž tež zajutřišim wot 14 do 23 hodź. wotewrjene.
Spominaja na wótčinca
