Ćeta Monika baje

Chrósćicy. We wobłuku 9. kulturneje zymy su dźěći jutře, 21. decembra, w 16 hodź. do Chróšćanskeje putniskeje hospody přeprošene. Ćeta Monika baje jim „Tři přeća“. W 19.45 hodź. je přednošk prof. Gerda Gellißena z Kölna „Im Osten pilgern – auf der Via Regia von der ukrainischen Grenze bis Görlitz“.

Kniharnja wotewrjena

Budyšin. Budyska Smolerjec kniharnja je jutře sobotu wot 10 do 17 hodź. a patoržicu wot 10 do 12 hodź. wotewrjena. Silwester móža sej tam ludźo wot 10 do 12 hodź. serbske knihi a CDje kupić. Wot 2. do 6. januara 2020 wostanje kniharnja inwentury dla zawrjena. Wu­toru, 7. januara, budźe potom zaso wot 10 hodź. kupcam přistupna.

Rock w „Jednoće“

Chrósćicy. Pod hesłom „Kóžde lěto wjesele!“ wjesela so organizatorojo jutře, 21. decembra, na mjeztym hižo třeći rockowy spektakl wosebiteho razu w Chróšćanskej „Jednoće“. Lětsa chcedźa sku­piny DWS LIVE (tróšku hinaša coverband z Kamjenca), DEYZIDOXS (serbska wotmołwa na Slipknot) a po dołhim čakanju tež AWFUL NOISE (unplugged) hosći wječora zawjeselić. Zarjadowanje započnje so w 20 hodź., zastup płaći šěsć eurow.

Łužiske hody ze susodami