Ličba natyknjenych přiběra

srjeda, 25. měrca 2020
artikl hódnoćić
(0 )
Spochi přiběraceje ličby smjertnych woporow coronawirusa dla wužiwaja lodowu halu španiskeje stolicy Madrida wotnětka jako ćěłownju. Wčera přiwjezechu prěnje kašće z ćěłami z awtami wójska do hale Palacio de Hielo, kotraž ma 1 800 kwadratnych metrow lodoweje płoniny. Jeničce w Madridźe je hižo 1 500 ludźi na wirus zemrěło, po cyłym kraju 2 700.  Foto: dpa Spochi přiběraceje ličby smjertnych woporow coronawirusa dla wužiwaja lodowu halu španiskeje stolicy Madrida wotnětka jako ćěłownju. Wčera přiwjezechu prěnje kašće z ćěłami z awtami wójska do hale Palacio de Hielo, kotraž ma 1 800 kwadratnych metrow lodoweje płoniny. Jeničce w Madridźe je hižo 1 500 ludźi na wirus zemrěło, po cyłym kraju 2 700. Foto: dpa

Po wšěm swěće wjace infekcijow z coronawirusom a wjace mortwych

Washington/Berlin (dpa/SN). W Italskej je w běhu dnja wjace hač 700 ludźi na sćěhi coronawirusa zemrěło. Tak je snadna škrička nadźije na spěšne a widźomne wosłabjenje epidemije najprjedy raz wuhasnyła. Italski ciwilny škit zliči dotal 6 820 smjertnych woporow, štož bě wčera 743 wjace hač dźeń do toho. Dny do toho bě jasnje mjenje mortwych było. Ličba tych, kotrychž su w kraju pozitiwnje testowali, je na wjace hač 69 000 rozrostła.

Napjate wostawa połoženje tež dale w Španiskej, hdźež je mjeztym 3 000 ludźi mjenowaneje infekcije dla zemrěło. Epicentrum je stolica Madrid, tež Katalonska je jara potrjechena.

Ličba wobkrućenych natyknjenjow w Němskej je po informacijach Roberta Kochoweho instituta wčera w běhu dnja wo 4 191 na nětko 31 554 přiběrała. Mjeztym je 149 ludźi zemrěło.

wozjewjene w: Politika
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND