Sakska bjerje nowe kredity

pjatk, 03. apryla 2020
artikl hódnoćić
(0 )

Drježdźany (dpa/SN). Sakske knježerstwo je so dojednało dodatny etat kaž tež wurjadny fonds wutworić, zo by swobodny stat koronakrizu lěpje přetrał. Woboje chcedźa w formje zakonja krajnemu sejmej zapodać. „Liču z přidatnej potrjebu sydom miliardow eurow hač do lěta 2022“, rjekny financny minister Hartmut Vorjohann (CDU) dźensa w Drježdźanach. Sakska dyrbi tuž znajmjeńša šěsć miliardow eurow noweho kredita brać, wón praji. Hišće dźensa chcychu plany prezidijej krajneho sejma předstajić.

Milion z wirusom natyknjenych

Washington (dpa/SN). Ličba dopokazanych infekcijow z koronawirusom je po wšěm swěće na wjace hač milion rozrostła, kaž z ličbow Uniwersity Johnsa Hopkinsa w USA wuchadźa. Dotal je 51 000 ludźi na chorosć płucow Covid-19 zemrěło. Woprawdźita ličba natyknjenych a zemrětych je drje wo wjele wjetša, dokelž nimaja za testy dosć kapacitow. Dale z toho wuchadźeja, zo je tójšto pacientow we wysokej starobje zemrěło, bjez toho zo bychu lěkarjo wirus spóznali.

Wjace hač tysac mortwych

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND