Hornčerski wiki w Błótach
Bórkowy. Na Bórkowskim swjedźenišću wotměja so jutře a njedźelu w času wot 10 do 18 hodź. 17. hornčerske wiki. Tež lětsa so tam 40 hornčernjow z Braniborskeje, Berlina, Sakskeje, Saksko-Anhaltskeje, Durinskeje, Litawskeje, Pólskeje a Ukrainy wobdźěli. Pokazać chcedźa mnohostronskosć hornčerskeho wuměłstwa, a wudźěłki budu tež na předań.
Wječork z Tomašom Cyžom
Budyšin. Po wulkim wuspěchu jeho prěnjeho Bodo-Wartke-wječorka „KlavierKabarett in ReimKultur“ je dźiwadźelnik NSLDź Tomaš Cyž nowy program ze spěwami Boda Wartki zestajał, a to pod hesłom „Naležnosće wutroby“. Dožiwić móža jón zajimcy jutře, 25. julija, w 19.30 hodź. na Budyskej dźiwadłowej zahrodźe.
Filmowe nocy w młynje
Čorny Chołmc. We wobłuku Čornochołmčanskich filmowych nocow w Krabatowym młynje pokazaja tam jutře, sobotu, w 21.30 hodź. film „Der Junge muss an die frische Luft“. Njedźelu móža sej tam zajimcy w starobje wot 16 lět w samsnym času thriller „Parasite“ wobhladać.
Wodźenje po měsće
