Nowa wustajeńca přistupna

Chrósćicy. Hač do kónca septembra je wu­stajeńca wo česćowanju swjateho Bosćana w Chróšćanskej wosadźe w Chróšćanskim Hórnikowym domje stajnje wutoru wot 17 do 19 hodź. přistupna. Wobhladać móža sej ju zajimcy tohorunja pjatk po kemšach, kotrež su w 19 hodź., sobotu wot 17 do 18.30 hodź. kaž tež njedźelu po wšěch kemšach a po nyšporje wot 14.30 do 19 hodź.

Putniska madona pućuje

Kulow. W Kulowskej cyrkwi witaja ju­tře,­ 1. awgusta, Fatimsku putnisku madonu. W 16 hodź. wotměje so tam ma­rijanski nyšpor. 13. meje 1967 je bamž Pawoł VI. mjenowanu postawu maćerje Božeje za Němsku poswjećił. Lětsa pu­ćuje wona po Sakskej, a to pod hesłom „Dźak za 75 lět měra a 30 lět jednoty“.

Filmowe nocy w młynje

Čorny Chołmc. W Čornochołmčanskim Krabatowym młynje pokazaja jutře wot­ 21 hodź. pod hołym njebjom we wobłuku filmowych nocow kome­diju „Nightlife“. Na samsnym městnje a w samsnym času móža sej zajimcy njedźelu w starobje wot 16 lět thriller „Joker“ wobhladać.

Z „Gretu“ sezonu zakónča