EU z nowym zaměrom

srjeda, 16. septembera 2020
artikl hódnoćić
(0 )

Brüssel (dpa/SN). Prezidentka komisije EU Ursula von der Leyen chcyła wustork škódnych maćiznow do powětra hač do lěta 2030 wo znajmjeńša 55 procentow porno lětu 1990 pomjeńšić. Drastiske přiwótřenje klimoweho zaměra je von der Leyen dźensa w narěči k połoženju Europskeje unije w Brüsselu formulowała. Dotal rěkaše zaměr 40 procentow. „Znajmjeńša 55 procentow“ ma dalšemu woćoplenju zemje zadźěwać.

Lawrow namołwja Maasa

Berlin/Moskwa (dpa/SN). Ruska je hladajo na zajědojćenje ruskeho režimoweho kritikarja Alekseja Nawalneho před dalšej politizaciji padu warnowała a namołwja Němsku wospjet k zhromadnemu dźěło. Tole rjekny ruski wonkowny minister Sergej Lawrow dźensa němskemu wonkownemu minister Heikej Maasej (SPD). Lawrow skedźbni na wotpowědne zrěčenje wo juristiske pomocy. Strowotny staw Nawalneho so polěpša. Wčera je so wón prěni króć słowa jimał.

Přećiwo zapućowanju

Berlin (dpa/SN). „Unija hódnotow“, konserwatiwny prud w CDU, kritizuje rozsud knježerstwa, po wohnjowej katastrofje w lěhwje Moria wjace hač 1 500 přidatnych ćěkancow z grjekskich kupow přiwzać. Městopředsyda Alexander Mitsch měni, zo je hižo „dospołnje wopačna“ migraciska politika 2015 a 2016 w Němskej wulku škodu načiniła. Europa měła ludźom w Grjekskej pomhać. „Zapućowanje zawinuje nowe ćeže.“

wozjewjene w: Politika
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND