Trump: Bórze budźe chłódnišo

wutora, 15. septembera 2020
artikl hódnoćić
(0 )

Sacramento (dpa/SN). Prezident USA Donald Trump je na wopyće w Kaliforniskej tamnišich lěsnych wohenjow dla wu­znam klimoweje změny złahodnił. Kaliforniski minister Wade Crowfoot sej w diskusiji z Trumpom žadaše, zo měli změnu klimy a jeje wuznam za lěsy připóznawać a bóle z wědomostnikami dźěłać. „Bórze budźe chłódnišo, přihladujće prosće“, Trump rjekny. Minister Crowfoot, do kotrehož zamołwitosće tež słuša přirodne žiwjenske zakłady zachować, jemu znapřećiwi: „Bych sej přał, zo wědomosć Wam přihłosuje.“ Prezident Donald Trump rjekny: „Njewěrju, zo wědomosć to woprawdźe wě.“

Prezident je sej wěsty, zo je špatny lěsny management za zahubne wohenje zamołwity. Kaliforniski guwerner Gavin Newsom Trumpej znapřećiwi, zo steji najwjetši dźěl lěsow pod zarjadnistwom Zwjazka. Kaliforniska sama wobsedźi runje tři procenty lěsa. Kandidat demokratow za prezidenta Joe Biden mjenowaše Donalda Trumpa hladajo na toho wuprajenja „klimopolitiskeho zapalerja“.

wozjewjene w: Politika
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND