×

Powěsć

Failed loading XML...

Pokiwy (08.01.21)

pjatk, 08. januara 2021
artikl hódnoćić
(0 )

Hodźina zymskich ptakow

Drježdźany. Přirodoškitny zwjazk Nabu a Bayerski krajny zwjazk za škit ptakow LBV wuhotujetej wot dźensnišeho hač do njedźele, 10. januara „11. hodźinu zymskich ptakow“. Z „najwjetšej wědomostnej akciju Němskeje, na kotrejž móže so kóžda/kóždy wobdźělić“ – loni bě jich dohromady něhdźe 145 000 ludźi –, ma so „detailowany wokomikny wobraz pjerizny w našich městach a wsach“ zdźěłać, kaž w zdźělence Nabu rěka. Zajimcy měli „jednorje hodźinu dołho picowanišćo wobkedźbować a tam wšitke ptački zličić“. Wuslědk njech sposrědkuja hač do póndźele, 18. januara. Wotpowědny formular hodźi so na stronje nabu.de wupjelnić.

Instituciji dale njepřistupnej

Budyšin. Biblioteka Serbskeho instituta kaž tež Serbski kulturny archiw w Budyšinje wostanjetej w zwisku z pandemiju zjawnosći dale njepřistupnej. Wobmjezowanje płaći hač do kónca januara. Posłužby su w tym času jenož telefonisce (03591/7497230) abo z mejlku na adresu móžne.

Pozbudźace wuměłstwo

wozjewjene w: Pokiwy
Prošu přizjewće so, chceće-li komentar podać

nawěšk

nowostki LND