Wupisaja prěnje stipendije poručenje

srjeda, 10. februara 2021
artikl hódnoćić
(0 )

Nowy Łužiski dom wuměłcow Słopišća pyta prěnich hosći

Słopišća (SN/CoR). Hakle loni w nowembrje bě spěchowanske towarstwo aquamediale we wobłuku idejoweho wubědźowanja „Kulturna domizna Łužica“ Braniborskeho ministerstwa za wědomosć, slědźenje a kulturu spěchowanje we wysokosći dohromady 135 300 eurow zdobyło, zo by wuměłstwowy centrum w Błótowskej wsy Słopišćach zarjadowało a dołhodobnje etablěrowało. Dwaj měsacaj staj čłonojo towarstwa tamniši historiski wjesny młyn přihotowali, doniž njejsu kónc januara krajny rada wokrjesa Dubja-Błóta Stephan Loge (SPD), Delnjobłótowski zarjadniski direktor Henri Urchs, statny sekretar Braniborskeho kulturneho ministerstwa Tobias Dünow a předsyda spěchowanskeho towarstwa aquamediale Norbert Schmidt Łužiski dom wuměłcow „Eisenhammer Schlepzig Słopišća“ digitalnje wotewrěli. Bě to zdobom zazběh lětušeje wuměłstwoweje wustajeńcy aquamediale 14, wotměwaca so 5. junija do 18. septembra w Słopišćach.

wozjewjene w: Kultura
Prošu přizjewće so, chceće-li komentar podać

nowostki LND