Procesy integracije njepřetorhnyć

srjeda, 24. februara 2021
artikl hódnoćić
(0 )

Budyšin (SN/bn). Hornjołužiska Caritas a zwjazk „Budyšin wostanje pisany“ žadatej sej ze zhromadnej nowinskej zdźělenku, tuchwilny model podpěry za připućowarjow wobchować. „Poradźowanske móžnosće za migraciske klientstwo prewentiwnje sylnić mamy za winowatosć komunow. Wobstejace struktury funguja a měli so wobchować. Žadamy sej tuž wot komunow kaž tež wot Swobodneho stata Sakskeje, eksistowace poradźowanja dale financować. Krótšenja w tym wobłuku móhli k tomu wjesć, zo so jasnje wjetši podźěl wobydlerkow a wobydlerjow z migraciskim pozadkom w kriminaliće abo konsumje drogow potepi. Nimo toho přiběra riziko bjezdomnosće.“

Aktualnje přewjeduje Caritas tydźensce něhdźe 40 poradźowanjow. Podobnu pomoc skići towarstwo Witajće do Budyšina, kotrež něhdźe 25 poradźowanjow wob tydźeń přewažnje čestnohamtsce organizuje. Serwis měri so na wšitkich připućowarjow z „perspektiwu dowolnosće trajneho přebytka“.

wozjewjene w: Kultura
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Pnačičanski procesion - Die Panschwitzer Prozession.
  • Kulowscy křižerjo - Die Witticheunauer Kreuzreiter.
  • Njebjelčanscy křižerjo – Die Nebelschützer Verkündigungsprozession.
  • Chróšćanski křižerski procesion - Die Crostwitzer Osterreiter.
  • Baćonscy křižerjo - Osterreiter in Storcha
  • Ralbičanscy křižerjo - Die Ralbitzer Osterprozession.
  • Baćonscy křižerjo - Osterreiter in Storcha

nowostki LND