Słowjanski bajkowy festiwal

srjeda, 24. februara 2021
artikl hódnoćić
(0 )

Dešno (SN/CoR). Prěni raz chce Domizniski muzej Dešno w lěću bajkowy festiwal zarjadować. Nawodnica muzeja měješe hižo dawno ideju, „kotraž pak dyrbješe najprjedy raz prawje zrawić“, kaž to jeje sobudźěłaćerka Kathrin Šwjelina na naprašowanje SN zwurazni. Loni bě spěchowanske towarstwo muzeja próstwu wo spěchowanje „Słowjanskeho bajkoweho festiwala“ we wobłuku idejoweho wubědźowanja „Kulturna domizna Łužica“ braniborskemu ministerstwu za wědomosć, slědźenje a kulturu zapodało.

Festiwal je jedyn ze 24 projektow, kotrež su z dohromady 145 próstwow wu­zwolili a kotrež z 9 400 eurami podpěruja. „Mějachmy plan B za mjeńše zarjadowanje, ćim bóle so nětko wjeselimy, zo móžemy woprawdźe z wjacorymi wuměłcami něšto rjane na nohi stajić“, Šwjelina wuzběhny. Wona widźi přede­wzaće zdobom jako dźěl wulkeho projekta „Hódnoćenje imaterielneho kulturneho namrěwstwa Delnjeje Łužicy w němsko-serbskim konteksće“.

wozjewjene w: Kultura
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Pnačičanski procesion - Die Panschwitzer Prozession.
  • Kulowscy křižerjo - Die Witticheunauer Kreuzreiter.
  • Njebjelčanscy křižerjo – Die Nebelschützer Verkündigungsprozession.
  • Chróšćanski křižerski procesion - Die Crostwitzer Osterreiter.
  • Baćonscy křižerjo - Osterreiter in Storcha
  • Ralbičanscy křižerjo - Die Ralbitzer Osterprozession.
  • Baćonscy křižerjo - Osterreiter in Storcha

nowostki LND