W dwojim zmysle premjera

srjeda, 20. apryla 2022
artikl hódnoćić
(0 )
Digitalny alter ego Caroliny Eyckec prezentowaše wirtuelnje nowu tačel „Thetis 2086“. Bosćan Nawka Digitalny alter ego Caroliny Eyckec prezentowaše wirtuelnje nowu tačel „Thetis 2086“. Bosćan Nawka

Berlin (SN/bn). Serbska wirtuozowka na thereminje Carolina Eyckec je sej za mjezynarodnu premjeru swojeje noweje tačele „Thetis 2086“ cyle wosebite jewišćo wuzwoliła. Na ćichim pjatku prezentowaše wona resp. jeje digitalny alter ego nowostku na platformje AltspaceVR w tak mjenowanej wirtuelnej realiće – postupowanje to, kajkež „njejsmy w tutej formje dotal hišće ženje dožiwili“, kaž Eyckec podšmórny. Runja jej móžachu so wopytowarjo z pomocu specialnych VR-nawočow třidimensionalnje na wjacorych runinach pohibować. Spočatnje zhromadźichu so hosćo před hrajnišćom, z kotrehož thereministka kruchaj Claudea Debussyja resp. Camillea Saint-Saënsa zahra. Nimo toho poda wona swoje mysle wo tačeli, kotraž ma připosłucharjam „rjanosć a zranitosć našeje zemje wuwědomić“.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND