Krasne a radostne jutry

pjatk, 22. apryla 2022
artikl hódnoćić
(0 )
Po starodawnym wašnju podachu su Wotrowscy křižerjo zaso rano při schadźenju słónca na jěchanje wokoło polow. Tónraz dźěše do směra na Kašecy. A mnozy hosćo nochcychu to skomdźić, byrnjež Wotrowscy stajnje chětro zahe jěchaja. Po starodawnym wašnju podachu su Wotrowscy křižerjo zaso rano při schadźenju słónca na jěchanje wokoło polow. Tónraz dźěše do směra na Kašecy. A mnozy hosćo nochcychu to skomdźić, byrnjež Wotrowscy stajnje chětro zahe jěchaja.
Nimo křižerskich procesionow bě lětsa znowa jejkakulenje na Budyskim Hrodźišku z Jejkacym Handrijom, kotrehož předstaja Heiko Harig, publikumowy magnet.

Po wšej Hornjej, srjedźnej a Delnjej Łužicy smědźachu ludźo lětsa skónčnje zaso jutry bjez wobmjezowanjow swjećić. To bě přede­wšěm jutry njedźelu tež widźeć. Mnozy běchu přijěli, zo bychu radostne a krasne jutry z křižerjemi, jutrownymi spěwarkami, Jejkacym Handrijom abo na cyle swoje wašnje na čerstwym powětře a ze słóncom přežiwili. Wosebje křižerjo w Budyšinje – jutrownej stolicy – mějachu swoju lubu nuzu so dopołdnja přez masy přihladowarjow předrěć – jara zlě bě krótko za Mostom měra při kružnym wobchadźe na Schliebenowej, hdźež dyrbješe policija najprjedy sebi a potom tež křižerjam šćežku wutworić.

Tola tež to njebě žadyn problem. Wšako běchu wšitcy – wšojedne hač zastojnicy, křižerjo abo hosćo-přihladowarjo wobrjadow – jara přećelni. Zawěsće je tomu słónčne wjedro runje tak polěkowało kaž njewobmjezowanosć po dwěmaj lětomaj z koronu.

wozjewjene w: Předźenak

Galerija

dalši wobraz (1) dalši wobraz (2)
dalši wobraz (3)
Prošu přizjewće so, chceće-li komentar podać

nawěšk

nowostki LND