Hóstne předstajenje

Běła Woda. Złokomorowske Nowe jewišćo je jutře, sobotu, z hosćom w Běłej Wodźe. W tamnišim sociokulturnym centrumje Telux pokazaja w 19 hodź. inscenaciju „Alte Liebe“. Komedija po znatym romanje Elki Heidenreich a Bernda Schroedera rozjimuje chwatk a šmjatk „mandźelskeju w krizy krótko do Walentinoweho dnja“. Zastupne lisćiki su za płaćiznu znajmjeńša 15 eurow na předań.

Rjanosć a problemy Gambije

Wojerecy. Ralf Gerstmann bě loni w nowembru zaso tři tydźenje w Gambiji a je so z emocionalnymi zaćišćemi a fotami nawróćił. Ze swojim pućowanjom a na nje złožowacym wobrazowym přednoškom chce na rjanosć, runje tak kaž na problemy, w tymle kraju skedźbnić a za njón wotpowědne dary zběrać. Zarjadowanje zajutřišim, njedźelu, we Wojerowskej Kulturnej fabrice startuje w 15 hodź., zastup płaći dwaj euraj.

Rozmołwa w muzeju wo Mättigu