Pokiwy (17.02.23)

pjatk, 17. februara 2023
artikl hódnoćić
(0 )

Němcy, Židźa a Serbja

Bryland. Jako 14. zwjazk rjadu „Podstupimske přinoški k sorabistice“ wušłu knihu Alfreda Roggana a Tobiasa Preßlera „Das Modell Friedland – Vom Zusammenleben deutscher, jüdischer und wendischer Bewohner in einer Niederlausitzer Kleinstadt“ předstajitej jutře, sobotu, dr. Madlena Norbergowa a Peter Kosta na ryćerskej žurli Brylandskeho (Friedland) hrodu. Prezentacija započnje so w 14 hodź., zastup je darmotny.

„Gundi a Bóh“

Wojerecy. „Gundi a Bóh“ je hesło zjawneje, zdarma přistupneje diskusije wo tworjenju Gerharda Gundermanna jako wučbny srědk za předmjetaj nabožina a etika. W 15 hodź. debatuja jutře, sobotu, mjez druhim dr. Christian Ganter a Bastian Bandt we Wojerowskej Kulturnej fabrice. Přizamkowacy so koncert „Gundijowe spěwy za Europu“ je wupředaty. Składnostnje narodnin „Gundija“ slěduje 21. februara, na samsnym městnje, w 19 hodź. darmotny zhromadny spěwny wječor. Z hosćom budźetaj mjez druhim Wojerowski wobydlerski chór a gitarist Christian Völker-Kieschnick.

Kolokwij a finisaža

wozjewjene w: Pokiwy
Prošu přizjewće so, chceće-li komentar podać

Serbska debata

nowostki LND