ST Radwor –
ST Ćisk 6:2 (5:0)
Zestawa domjacych: Grenzemann – Reinecke (76. Grubert), Pěčak, Šěrak, Wjeńka (67. Seiler), Schulze, Schöne (82. Mička), Nuk, Paška, Castejon (70. Hetaš), Šnajder
Druha nachwatanska dypkowa hra za prěnje koparske mustwo ST Radwor běše duel w pincy tabulki. Tohodla dyrbjachu za Radworčanow wažne tři dypki na kóncu stejo wostać. Na hrajnišćo ST Budyšina bě něhdźe 50 přiwisnikow z Radworja přijěło. Přihladowarjo widźachu jako prěnje hosća, kiž někotre mjeńšiny trjebaše, zo by do hry přišoł. Dźakowano prěnich wrotow pak bě tuta faza spěšnje zakónčena. Po róžku zhłójčkowa Fabian Šěrak bul k 1:0 (9.) do saka. Nětko bě hra kompletnje na stronje domjacych. Tak móžachu perpleksneho přećiwnika stajnje zaso lochce wuhrać a sej dobre šansy wuwojować. Ale tež Radworski wrotar Peter Grenzemann móžeše so pokazać a nawjedowanje z dwěmaj dobrymaj akcijomaj zakitować. W 27. min. bě po róžku zaso Šěrak na městnje, postaji Daniela Nuka a tón zwyši na 2:0. Tom Schulze zwyši samo hišće na 3:0 (34.) a w 44. a 45 min. móžeštaj Lucas Castejon a Richard Šnajder dalšej wrotaj třělić.