Łužiske lodohokejowe liški –

Lodowe lawy Drježdźany 3:4

p. tř. p. (1:0, 1:0, 1:3 - 0:1)

Derby bě so ze strašnej akciju za hosćićela započał. Po zmylku za wrotami Liškow steješe Tomas Andres naraz cyle swobodny před tutymi, měrješe pak z třoch metrow do łójenskeje rukajcy Ville Kolppana. Po tym so domjacy rjadowachu a mějachu něšto wjace wobsydstwa puka, prjedy hač dyrbještaj Louis Anders a Niklas Postel wobaj na chłostansku ławku. Při štyrjoch přećiwo štyrjom so Lane Scheidl wotsadźi a hosćićelow k nawjedowanju třěli (7.). Drježdźany tłóčachu na spěšnu wotmołwu. Mike Schmitz wotfalšowa hrajny nastroj snadnje nimo groćaneje klětki Běłeje Wody. Na to Kevin Handschuh centralnje ze zdalenosće třoch metrow wotćahny, puk so tež přez škitački suny, ale so hišće před wrotowej liniju wujasni. Tak dźěše ze snadnym 1:0 do prěnjeje přestawki.