Napjaty a na wrota bohaty duel

srjeda, 12. apryla 2023
artikl hódnoćić
(0 )
Před woběmaj klětkomaj, před Radworskej a, kaž tu na wobrazu, před přećiwniskej Hrajneho zjednoćenstwa Łaz/Běły Chołmc, nasta tójšto strašnych scenow a wrotow. Cyłkownje sydom razow trjechichu koparjo wobeju cyłkow w nachwatanskej dypkowej hrě.  Foto: Konstantin Hrjehor Před woběmaj klětkomaj, před Radworskej a, kaž tu na wobrazu, před přećiwniskej Hrajneho zjednoćenstwa Łaz/Běły Chołmc, nasta tójšto strašnych scenow a wrotow. Cyłkownje sydom razow trjechichu koparjo wobeju cyłkow w nachwatanskej dypkowej hrě. Foto: Konstantin Hrjehor

ST 1922 Radwor – HZ Łaz/Běły Chołmc 4:3 (2:1)

Za Radworske mustwo zasadźeni: Grenzemann – Reinecke, Šěrak, Pěčak, Paška (93. Seiler), Wjacławk (36. Schulze), Schöne (46. Měrčink), Nuk, Grubert (83. Wjeńka), Castejon, Šnajder

Zeleny štwórtk bě prěnja prawa domjaca hra za Radworskich koparjow, a wona přiwabi 75 přihladowarjow. Hižo w prěnjej partiji we Łazu bě sej mustwo trenarja Marija Bischofa tři dypki sobu domoj wzało. Wróćohra nětko bě spočatnje poměrnje wurunana. Radwor pak dósta partiju poněčim pod kontrolu. Škit hosći pak móžeše dołhe třělwy přećiwnikow derje wotwobarać. Hižo we 18. min. móžeše so Johannes Wjacławk na swojim křidle přesadźić a bul nimo wrotarja k 1:0 do klětki sunyć. Direktnje po tym trjechi Richard Šnajder w 21. min. k 2:0. Hosćićeljo bychu hišće dalše šansy wužić móhli, ale přeco zaso noha přećiwni­skeho hrajerja dalšim wrotam zadźěwa. Bohužel Radworscy koparjo wotežki ­do połčasa trochu pušćichu, tak zo dóńdźe k 2:1.

wozjewjene w: Sport
Prošu přizjewće so, chceće-li komentar podać

Serbska debata

nowostki LND