Slepjanske wokomiki w Stróži

Stróža. W Domje tysac hatow w Stróži wotewru dźensa nawječor we 18 hodź. wustajeńcu „Slepjanske wokomiki drasty“. Serbski kulturny centrum Slepo je z fotografom Michaelom Zechom młode žony w Slepjanskej drasće portretował. Při tym so pokazuje, zo wone wosrjedź žiwjenja steja. Na wotewrjenju zhonja zajimcy wo bohatosći drasty Slepjanskeje kónčiny a wo tym, kak je k fotowemu projektej dóšło.

Swjeća z bantowej reju

Křidoł. Wot dźensnišeho hač do njedźele swjeća w Křidole (Schiedel) na sportnišću wjesny swjedźeń składnostnje prěnjeho naspomnjenja wsy před 800 lětami. Dźensa je wot 18 hodź. wubědźowanje w blidotenisu a darće. Popłatk wučinja pjeć eurow. Jutře, sobotu, witaja w 14 hodź. na kemše do stana. Po tym předstaja dźěći bantowu reju. Wječor wuklinči z diskoteku a lampionowym ćahom za dźěći. Njedźelu přeprošuja na rańše piwko, předstajenje psow a popołdnju w 14 hodź. na kopańcu

Maja Nagelowa wustaja