Załožba za serbski lud zhladuje na lońše a lětuše wužadanja

Budyšin (SN). W lěće 2025 su Załožbu za serbski lud jednanja wo pjate finančne zrěčenje zaběrali, kotrež so hižo w septembrje 2023 zahajichu a w kotrychž so lěto a ćeše cyłkowne finančne połoženje stata wotbłyšćuje. Mjeztym su jednanja nimale zakónčene, tak zo ma so zrěčenje bórze podpisać. Z tym změje załožbowy zarjad, wosom spěchowanych institucijow a kopica projektowych nošerjow planowansku wěstotu hač do lěta 2030. Při tym njetrjebaja so stupace personalne kóšty z redukciju dźěłowych městnow kompensować. Tole je solidny strukturelny zakład za wulki nadawk, serbsku rěč a kulturu tež w přichodźe žiwu a widźomnu zachować.