Serbska rada warnuje před zhubjenjom serbskeje rěče, kultury a domizny

Drježdźany (SN/VaŽ). Składźišćo atomowych wotpadkow a zachowanje serbskeje identity steještej w srjedźišću wčerawšeho posedźenja Serbskeje rady w Sakskim krajnym sejmje. Předsyda Domowiny Dawid Statnik kaž tež Stefan Anders, Jan Ryćer a Julian Nyča wuměnichu so ze statnym ministrom za wobswět a ratarstwo Georgom-Ludwigom von Breitenbuchom (CDU) wo aktualnym stawje a wosebitych wužadanjach w serbskim sydlenskim rumje.