Finale Łužiskeho hudźbneho lěća

Budyšin/Malešecy. Kónc tydźenja nachila so lětušě Łužiske hudźbne lěćo. Dźensa, pjatk, přeprosytaj Florian Uhlig a Peter Hörr w 19.30 hodź. na předstajenje „Vom Volksthron zur großen Sonate“ w Muzeju Budyšin. Zastup při wječornej kasy płaći 16 eurow. Jutře, sobotu, zahudźi cyłk Ensemble all’improvviso w 19.30 hodź. w Malešečanskej cyrkwi, a to za dobrowólny pjenježny dar. Njedźelu wotměje so muzikaliska kolesowarska tura po Budyšinje. Wot 10 do 16 hodź. móža so zajimcy zdarma na njej wobdźělić. W 17 hodź. slěduje na Hłownym torhošću finale z wěžnej hudźbu Budyskich měšćanskich hwižkarjow a dujerskeho kwarteta wokrjesneje hudźbneje šule Budyšin.

Woswjeća fijałkowe narodniny

Rudna. Jutře, sobotu, woswjeći Kolektiw Wakuum wot 15 hodź. swoje 5. narodniny w Rudnej pola Kalawy. Přećeljo a zajimcy su přeprošeni do tamnišeho zahrodnistwa Hoffreuden, hdźež čakaja hudźbna a spěwna zabawa, tak mjenowany hot/cold tub, sawna, talentowa show a „Serbski SLAY“ na hosći.

Böhme zahraje w Hejnicach