Podłu měšćanskeje murje

Budyšin. Turistiska informacija Budyšin přeprošuje dźensa, pjatk, w 20 hodź. pod hesłom „Tam, hdźež wědźa wěže powědki powědać“ na wodźenje po sprjewinym měsće. Kóždy krok po pućowanju podłu měšćanskeje murje wotewrě hinaši wid. Njewšědna wosebitosć je přistup na Maćijowu wěžu. Wotkryć móžeće sej na wjeršk stupajo tohorunja historisku stwu stražowarjow kaž tež kapałku swj. Jurja. Popłatk wučinja 12 eurow.

Łužičanka zarejuje

Łuh. Na Łuhowskim hrodźišću wo­swjeća 800. róčnicu prěnjeho naspomnjenja Łuha. Jutře, sobotu, chcedźa ju­bilej z wosebitym dnjom předewšěm dźěćom zbližić. Za to su skakanski hród, karusel, paslensku dróhu, a rjemjeslniske poskitki přihotowali. Cyle wušikni móža sej nimo toho na žerdź zalězć. Wot 15.30 hodź. wuhotuje Mr. Konfetti dźěćacu diskoteku. Skerje na dorosćenych měri so nyšpor w 13.30 hodź., kotremuž přizamknje so w 14.15 hodź. prezentacija wjesneje chroniki Łuha. W 15 hodź. zarejuje dorostowa skupina Serbskeho lu­doweho ansambla Łužičanka. Wječor slěduje­ diskoteka za wšitkich zajimcow.

Na jubilej do Bóšic