Narěč wo kulturje debatow

Budyšin. Politiska wědomostnica dr. Julia Reuschenbach wěnuje so we wobłuku Budyskich narěčow termje „Kultura debatow w Němskej“. Zarjadowanje wotměje so dźensa, pjatk, w 19 hodź. w Budyskej tachantskej cyrkwi swj. Pětra.

Třeći festiwal SubSorb

Wojerecy. Do kruha zarjadowanjow z wosebitymi, dotal njewidźanymi poskitkami słuša Wojerowski festiwal SubSorb. Tónle pjatk a jutře, sobotu, přeprošuja entuziasća zajimcow do tamnišeje Kulturneje fabriki. Přewjedu mjez druhim dźěłarničku Drasta digital a serbske wiki z dźěłarnju molowanja z dypkami Dot Painting, kotruž Christina Grätzowa nawjeduje. Georgi Marinov přeprošuje na zhromadne rejowanje. Sorbian Space Agency (SoSA) wěnuje so prašenju, kak dale. Zdobom budźe składnosć, sej serbske krótkofilmy wobhladać. Na prašenje, što serbska subkultura je, pytaja na městnje wotmołwu. Skupina Kula Bula k zabawje zahudźi a z Marekom a Rakajcami móža wopytowarjo spěwać.

Johannes Scheurig koncertuje