„Dźiwotworny hojer“ na jewišću NSLDź
Wukónc tydźenja w hotelu ma poprawom wujasnić, kak ma dale hić z chorosću staršeje knjenje, kotrejž Claudia rěkaja. Wona je ćežko na wutrobu schorjeła a swoju swójbu hromadźe zwołała. Jeje dźěći a jeje najlubša wnučka Emilia maja zhromadnje wo tym wuradźować, kak měli ze zatrašnej chorosću swojeje maćerje a wowki wobchadźeć.
Z tuteje planowaneje rady potomnikow Claudije wuwiwaja so njelube, haj wótre rozestajenja, kotrež wotkryja rany z hišće dosć bliskich starych časow. Na přikład smjerć muža Claudije po šćěpjenju přećiwo koronje, štož je wšu swójbu njenaprošnje rozdwojiło.
Do tohole konflikta storči Alexander Maruš přihladowarstwo ze swojej prěnjej činohrajnej režiju jako nowy wyši nawoda Budyskeho dźiwadła. Publikum je na premjerje němskorěčneje hry „Dźiwotworny hojer“ z pjera Lutza Hübnera a Sary Nemitz srjedź oktobra hłownu žurlu „dwurěčneho templa muzow“ nad Sprjewju skoro połnje pjelnił.
A njech je hnydom to prajene, štož móhło jako zjeće płaćić:







