Budyšin. Wutoru po jutrach započnu w Budyšinje Center na Žitnych wikach přetwarjeć. Tam chcedźa dohromady 1,85 milionow eurow inwestować a tak serwisowy poskitk kaž tež přebywansku kwalitu za wopytowarjow polěpšić, zdźěli wjednistwo nakupowanišća. Parkowanski wobłuk dóstanje nowe barbne wuhotowanje a polěpšene wupisanje. Změnić chcedźa wjetše a mjeńše tafle w centeru, zo bychu kupcow wo serwisowych poskitkach lěpje informowali. Dale instaluja nowe sedźenske móžnosće za wotpočnjenje a nabiwansku staciju za smartphony a tablety. Nimo toho ponowja nuzniki a natwarja hrajkanišćo. W oktobru ma přetwar hotowy być.
Dźěłarnička za seniorow
Budyšin. Wosebje na seniorow wusměrjena je nowa dźěłarnička SAEK, kotraž zaběra so z wužiwanjom smartphonow a tabletow. Rozłožić chcedźa zawodowy system Android, za čo trjebaš konto pola Google, a kak swójski nastroj škitaš. Dźěłarnička wotměje so šěsć razow w meji, pak dopołdnja pak popołdnju. Wobdźělenje płaći 20 eurow. Zajimcy njech přizjewja so pod telefonowym čisłom 03591/ 464 177.
Paducha lepili
Rakecy. W nocy na njedźelu wołaše wobydlerka policiju do Rakec. Ze susodneho rěznistwa bě wona něšto podhladne słyšała a tukaše na to, zo bě so něchtó zadobył. A měješe prawje. Dźakowano jeje pomocy lepichu zastojnicy w rěznistwje 39lětneho muža, kiž bě w předawanišću rěznistwa hižo wjacore kasy zwočinjał a 20 000 eurow škody načinił.
ST Lubuš
– ST Marijina hwězda 0:6 (0:2)
Zestawa hosći: Matik – Wróbl (76. Lipič), Zelnak, Jurš, R. Cyž, Schmidt (65. Melnyk), Pjetaš, Hawš, Ch. Cyž, Eldor (46. Winkler), Pakoßnick
W Lubušu pobrachowaše wulki dźěl stajneho personala koparjow ST Marijineje hwězdy a k tomu tež hišće trenar Erwin Kleinmann. Za to je po dołhej zranjenskej přestawce Matijas Wróbl zaso sobu hrał. A hosćo chcychu na kóždy pad dobyć, štož so jim z kanterowym dobyćom tež poradźi. W prěnich mjeńšinach woni hišće žane prawe móžnosće njemějachu, tež hdyž duel jasnje dominowachu. Z wuběrnej akciju pak wuhra Oskar Hawš štyrjoch hrajerjow a třěli bul z kromy šěsnatki preciznje do šibjeńcy k 0:1 (20.). Hakle po wjacorych dobrych a jara dobrych móžnosćach (23. a 30. Jakob Pakoßnick, 32. Paul Schmidt, 33. Pakoßnick) smokny Schmidt wólny kop ze zdalenosće 21 metrow z centralneje pozicije do wrotow (41.). Krasne to 0:2!
Awtor dźensa
Tomaš Faska
Cyle sprawnje, lubi přećeljo kožaneje kule, za kotrejž 20 muži honi, zo bychu jón do přećiwniskich wrotow dóstali, a dwaj wrotarjej spytataj tomu zadźěwać! Štó z was zwěri sej twjerdźić, zo dokładnje wě, kotre němske koparske towarstwo, kotrež hišće dźensa wobsteji, je najstarše? Mi znajmjeńša wone, kotrež smě na najdlěše towarstwowe stawizny zhladować, nihdy nanihdy njeby do myslow přišło. Ja wo nim dotal ani ničo njewědźach. Je to Berlinska BFC Germania 1888. Ličba w mjenje hižo přeradźa, w kotrym lěće bu załožena, cyle dokładnje 15. apryla.
Zestawa domjacych: Schöne – K. Matka, Šewc, Schultz, Bjeńš, Gloxyn, Šołta, Korjeńk, M. Matka, Bejmak, Kurjat
Hižo sobotu wočakowachu koparjo Sokoła Ralbicy/Hórki Kumwałd w Stadionje přećelstwa. Dokelž swjećeše škitar Andy Schultz 30. narodniny, chcychu jemu kolegojo wězo tři dypki darić. Wobdarili pak su Sokoljo tónkróć přećiwnika.
Kopańca, wokrjesna wyša liga
Kulow – Rakečanske ST 2:4 (0:2)
Połčnica – Germania Budyšin 0:4 (0:3)
Wojerowski FC – Hnašecy-Dobr. 3:0 (2:0)
Hory – Kinspork/Łužnica 5:3 (3:1)
Ramnow – Radwor4:1 (2:1)
Němske Pazlicy – Bukecy 5:3 (3:1)
Großnaundorf – Porchow 4:0 (2:0)
1. Rakečanske ST 22 83 : 13 61
2. Módro-běli Kulow 22 51 : 26 46
3. Drohotka Ramnow 22 56 : 29 43
4. Wojerowski FC 22 54 : 35 38
5. Póst Germania Budyšin 22 52 : 37 37
6. Sokoł Ralbicy/Hórki 22 41 : 33 37
7. LSV Hory 22 46 : 41 37
8. ST Hnašecy-Dobruša 22 43 : 46 31
9. TSV Połčnica 21 36 : 45 29
10. Motor Kumwałd 22 41 : 48 28
11. Natwar Němske Pazlicy 22 37 : 40 26
12. ST Kinspork/Łužnica 22 36 : 49 26
13. SG Großnaundorf 22 39 : 56 19
14. ST Porchow 22 26 : 56 15
15. Zeleno-běli Bukecy 22 30 : 79 14
16. ST Radwor 21 22 : 60 8
čoło tabulki wokrjesneje ligi, stafle 2
1. ST Marijina hwězda 20 55 : 9 49
2. HZ Łaz/Běły Chołmc 21 63 : 19 49
3. ST Ćisk II 20 34 : 26 37
4. Traktor Malešecy 20 46 : 25 36
5. SV Haselbachtal 20 35 : 28 31
Wien (B/SN). Awstriski ewangelski biskop Michael Bünker namołwja wěriwych w swojim kraju, ćichi pjatk we wulkej ličbje kemši hić. Pozadk toho je rozsud awstriskeho knježerstwa, wotstronić ćichi pjatk za ewangelsku mjeńšinu wěriwych w Awstriskej jako swjaty dźeń a jón jako wosobinski swjaty dźeń swjećić. Nětko dyrbja ewangelscy křesćenjo pola swojeho dźěłodawarja za to wosebity dowol přizjewić, hdyž chcedźa ćichi pjatk dale swobodne měć. „Za nas ewangelskich wěriwych je ćichi pjatk wosebje wažny“, pisa biskop cyrkwje Augsburgskeho wuznaća w zjawnym lisće. „Mnohe křiže w zjawnym rumje pokazuja, kak zakorjenjeny ćichi pjatk w našej kulturje je.“
Muzej ma so zaso mošeja stać