Z wudaća: wutora, 21 meje 2019

Trjebin (AK/SN). Serbske swójbne a ležownostne mjena su kulturne bohatstwo a herbstwo regiona. Wone su hłuboko w domizniskich stawiznach zakótwjene. „ Chcemy je před zabyćom zachować. Wažne nam je wuslědźić, zwotkel wone pochadźeja a što woznamjenjeja. Chcemy je zjimać a přichodnym generacijam dale dać – hač jako chroniku, wustajeńcu a brošuru, je hišće wotewrjene“, podšmórny Angelika Balccyna, předsydka Trjebinskeje Domowinskeje skupiny minjeny pjatk w Hanza Šusterowym domje. Tema wječorka rěkaše „Na Šusterec kachlowej ławce – Dopomnjenki a stawiznički wo Trjebinskich burach.“ Někotři zajimowani wobydlerjo so tuž w małym kruhu zeńdźechu.

Hižo w nowembru 2017 a aprylu 2018 běchu so w Trjebinje statokowym a swójbnym mjenam wěnowali. Woby­dlerjo móžachu je jako skicu hromadźe znosyć. Na to je Domowinska skupina nětko nawjazała. „Zo dźěl Trjebina wotbagruja, je hladajo na temu wosebje brizantne“, zwurazni dr. Ruth Mróskec z Budy­šina, rodźena Trjebinjanka a Slepjansku narěč wob­knježaca wědoma Serbowka.

Peugeot so wupalił

Budyšin. W Budyskej Strowotnej studni je so wčera něhdźe w 23 hodź. awto paliło. Na parkowanišću blisko kupnicy steješe Peugeot z dotal njeznatych přičin w płomjenjach. Najebać spěšne hašenje měšćanskeje wohnjoweje wobory so awto dospołnje wupali.

Žona w awće zatłusnjena

Kamjenej. Na B 96 je wčera popołdnju wodźer VWja T-Roca w Kamjenej pola Rakec blisko wotbóčki K měznikej do napřećo přijěduceho nakładneho awta zajěł. Při tym zatłusny so we wosobowym awće sobujěduca, kotruž móžachu hakle wohnjowi wobornicy wuswobodźić. Žonu su z helikopterom do chorownje dowjezli. Šofer awta so lochko zrani, wodźer Lkw-ja wosta njezranjeny.

Ćežko zranjenaj

Chróstawa. 22lětny šofer Audija zrazy wčera připołdnju pola Chróstawy frontalnje do napřećo přijěduceho Citroëna 74lětneho. Wobaj so tak ćežko zraništaj, zo dyrbjachu jeju wuchowanske mocy do chorownje dowjezć. Sobujěduca Citroëna so lochko zrani.

LSV Nowe Město – SJ Chrósćicy 2:0 (0:0)

Zestawa hosći: Králíček – Püschel (72. Šiman), F. Cyž, Sentivan, L. Zahrodnik, M. Zahrodnik, G. Zahrodnik, Henzl, Henčl (83. Zynda), Runt, Młynk

SJ Njebjelčicy – HZ Łaz/Běły Chołmc 3:3 (1:2)

Zestawa domjacych: Hahn – D. Kral, Hanuza, Hoelzel (54. Hrjehor), Pawlik, Wagner (65. Gödig), Plaettner, Korjeńk, Šołta, Čornak (89. Matješk), Domš

Koparjo Njebjelčanskeje SJ witachu načolne mustwo stafle dwaj wokrjesneje ligi. Sylnosć kaž tež bjezporočna bojownosć hosći bě chowancam trenarja Handrija Krawčika dosć derje znata. W 5. min. bě Oliver Domš wo kročel přepomałki před wrotami přećiwnika a misny tak nisku přihrawku. Tři mjeńšiny po tym hosćo nawjedowachu. Samlutki w Njebjelčanskim škitnym rumje stejacy Philipp Witschas sadźi bul njedźeržomnje do wrotow Nico Hahna. Po někak štwórć hodźinje přesadźi so William Plaettner za domjacych, ale zwrěšći. Hosćo­ dale bjez přestaća nadběhowachu. W tej fazy so Daniel Kral wjacore razy při wotwobaranju wuznamjeni. Ze zdalenosće 25 metrow zwaži so Chrystof Pawlik na wrota třělić, a bul dźěše wysoko do hóstneje klětki. Mjeńšinu na to pak trjechi Łaz/Běły Chołmc k 1:2 (33.).

HZ Wulke Ždźary – ST Marijina hwězda 2:4 (2:2)

Zestawa hosći: Matik – Wróbl, Škoda, Bělk, R. Hawš (75. R. Cyž), Peschmann (82. Čornak), Šołta, O. Hawš, Ch. Cyž, Eldor (60. Pjetaš), Pakoßnick

SC Mały Wosyk – SJ Chrósćicy II 1:0 (0:0)

Zestawa domjacych: Anders – R. Mandel, Weiland, Marx, T. Mandel, M. U. Khan (90. Kreuzmann), S. Dórnik (74. Koreng), K. Lugge, P. Lugge, Kreuz, M. Brězan (82. Mandel)

Zestawa hosći: Hejduška – Mark, Zynda, Klimant (61. Richter, 85. M. Dórnik), Wowčer, A. Dórnik, Bětnar, Mohaupt, M. Donat, J. Donat (69. Lešawa), Žur

Koparska rezerwa Chróšćanskeje SJ bě sej minjenu sobotu do bliskeho Małeho Wosyka dojěła, zo by w derbyju swoju seriju bjez dobyća zakónčiła. Tež hrajerjo domjaceho mustwa nadźijachu so na dypki, wšako woznamjenja aktualne poslednje městno w tabulce wokrjesneje ligi, stafle 2 zestup.

Wot wšeho spočatka běchu hosćo jara ofensiwnje nastajeni a chcychu přez kontrolu strašne nadběhi natwarjeć. Ale přećiwnik w defensiwje wušiknje agěrowaše. Tak zwostachu Chróšćanam jeno třělwy zwonka šěsnatki, kotrež w nuzy wrotar domjacych Dominik Anders wot­- wobara. Jich koparjam poradźichu so přez dołhe přihrawki nadběhi, škit hosći kołowokoło Heika Zyndy pak je podusy. Jeničce dwaj strašnej róžkaj na woběmaj bokomaj w prěnim połčasu njedaštej něhdźe 30 přihladowarjam žanu přiležnosć k wyskanju.

Kopańca muži, krajna klasa

Oderwitz II – Ćisk5:0 (2:0)

Horni kraj-Sprjewja – Drježdźany 3:2 (2:1)

Nowe Město – SJ Chrósćicy 2:0 (0:0)

Běła Woda – Neugersdorf II 2:1 (0:0)

Drježdźany – Großröhrsdorf 0:1 (0:0)

Weixdorf – Drježdźany-Strěžin 1:3 (0:1)

Trjebin – Laubegast 0:4 (0:1)

1. LSV Nowe Město 22 68 : 21 51

2. Laubegast 22 61 : 32 44

3. SZ Drježdźany-Strěžin 22 42 : 23 44

4. FSV Oderwitz II 22 43 : 31 34

5. VfB Běła Woda 1909 22 55 : 39 33

6. FC Neugersdorf II 22 39 : 32 32

7. SG Weixdorf 22 47 : 45 30

8. SC Borea Drježdźany 22 38 : 45 27

9. SJ Chrósćicy 22 47 : 55 27

10. ST Ćisk 22 31 : 48 24

11. SC Großröhrsdorf 22 33 : 37 23

12. ST Horni kraj-Sprjewja 22 36 : 74 22

13. Rotacija Drježdźany 22 34 : 49 20

14. ST Trjebin 22 22 : 65 9