Z wudaća: wutora, 05 julija 2022

Mopedistka do traktora zrazyła

Pančicy-Kukow. Ćežke wobchadne ­nje­zbožo je so wčera w Pančicach-Kukowje stało. Wodźerka žołteje Łastojčki ­jědźeše tam něhdźe w 16 hodź. po Chróšćanskej dróze do směra na Kukow. W tym wokomiku wujědźe z klóšter­skeho kubła traktor, do kotrehož mopedistka zrazy. Při tym so młoda žona ćežko zrani. Ju dowjezechu z helikopterom do chorownje.

Dobyće žane njebě

Jiwow. Z woporom wobšudnika je so ­minjeny dny muž w Jiwowje (Eibau) w gmejnje Kottmar stał. Jeho bě njeznaty zazwonił a zdźělił, zo je nimale 100 000 eurow dobył. Zo móhli pjenjezy přichodne dny na konto 57lětneho přepokazać, bě jeničce trěbne, transport pjenjez takrjec zawěsćić. Za to žadaše sej cuzy při telefonje Google-Play-karty resp. na nich wotćišćane tajne čisła. Jiwowčan kupi na to tajke karty w hódnoće 8 600 eurow a při telefonje wotpowědne čisła přeradźi. Hakle pozdźišo wón pytny, zo bě so z woporom wobšudnikow stał a informowaše policiju.

Na kulowaty 100ty jubilej běchu sej Radworscy sportowcy zašłu sobotu wosebiteho hosća přeprosyli. Z wulkeho Lipska bě BSG Chemija Lipsk do wsy přichwatała. Mustwo z regionalneje ligi sewjerowuchod hraješe w małym Radworju. Hižo cyły tydźeń mějachu zamołwići ruce połne dźěła, zo bychu tutón wjeršk přihotowali. Jako pjatk poslednje přihoty dokónčichu, bě napjatosć wosebje mjez hrajerjemi pytnyć. Za nich bě to hra žiwjenja. Hišće ženje do toho njejsu přećiwo połprofijam ze štwórteje ligi hrali. Mjena a mjezwoča přećiwnika znaja Radworscy jenož z medijow, jich nětko doma witać směć bě za wšitkich wulka česć. Na pjatkownym treningu spytachu domjacy wosebje defensiwu trenować, zo bychu wuslědk tak niski kaž móžno dźerželi. Wšitkim bě jasne, zo móža jenož zhromadnje a z wulkej wolu žiwjenje přećiwnika wobćežować. Při wšěm pak chcychu hrajerjo kaž tež zamołwići sej tutón dźeń lubić dać, so dobreje nalady nasrěbać a tak jubilej rjenje woswjećić.

Sezona 21/22 zakónčena

Do europeady su so w někotrych staflach a ligach hišće někotre winowatostne dypkowe koparske hry wuhrali. Dźensa po­damy prěni přehlad doskónčnych tabulkowych stawow po zakónčenju koparskeje sezony 2021/2022. Dokelž słuša regionalna liga muži zdźěla do profijoweje kopańcy, su so w njej najebać koronapandemije wšitke partije wuhrali, zo by so postupnik do třećeje koparskeje ligi Němskeje po sportowym puću postajić móhł.

Kopańca, wokrjesna wyša liga

1. Wojerowski FC 16 56 :1 3 40

2. ST Horni kraj-Sprjewja 16 42 : 12 38

3. Módro-běli Kulow 16 32 : 24 31

4. Sokoł Ralbicy/Hórki 16 37 : 18 30

5. Biskopičanske KT II 16 34 : 28 30

6. Natwar Němske Pazlicy 16 32 : 17 28

7. SG Großnaundorf 16 27 : 14 28

8. ST Hnašecy-Dobruša 16 49 : 34 27

9. Póst Germania

Budyšin 16 41 : 34 23

10. TSV Wachau 16 37 : 33 22

11. HZ Łaz/Běły Chołmc 16 24 : 25 16

12. ST Porchow 16 18 : 44 16

13. SC 1911 Großröhrsdorf 16 16 : 29 14

14. ST Kinspork/Łužnica 16 17 : 47 14

15. ST Marijina hwězda 16 21 : 47 11

16. TSV Połčnica 16 20 : 44 9

17. LSV Hory 16 12 : 52 6

wokrjesna liga, stafla1

1. FV Ottendorf-Okrilla 05 17 78 : 18 43

2. Arnsdorfske KT 16 38 : 16 37

3. SV Haselbachtal 17 42 : 30 31

4. TSV Wjernarjecy 17 37 : 38 29

5. ST Kubšicy 16 40 : 29 27

6. FSV Bretnig-Hauswalde 16 30 : 27 25

7. Zeleno-běli Bukecy 17 35 : 38 19

8. HZ Huska/Hodźij 16 21 : 32 19

9. ST Wjelećin 17 33 : 47 18

10. HZ Kumwałd/

Schönbach 16 24 : 41 18

11. TSV Wjazońca 17 30 : 55 16

12. Zeleno-běli Sepicy 17 38 : 52 14

13. SV Frankenthal 17 22 : 45 14

Koparki a koparjo Njebjelčanskeje młodźiny E mějachu njedawno wosebitu treningowu jednotku. Pod fachowym nawodom Carstena Simona a Lutza ­Höfera honješe cyłkownje 14 dźěći za bulom a wupruwowaše so hłownje w hrajnych formach wot jedyn přećiwo jednomu hač k pjećo pře­ćiwo pjećan. Tak móžachu na derje přihoto­wanym sport­nišću swoje kmanosće w dribblingu pokazać, wuspytachu so we wobchadźe z bulom a nawuknychu nowe puće při rozrisanju hrajnych situacijow.