Z wudaća: wutora, 29 nowembera 2022

Chrósćicy. Swoje wuměnkarki a swojich wuměnkarjow přeprošuje Chróšćanska gmejna na adwentničku srjedu, 7. decembra, w 15 hodź. do wjacezaměroweje hale Jednota. Dla organizatoriskich přičin proša wo přizjewjenje na gmejnje hač do 1. decembra pod telefonowym čisłom 035796/ 96 210 abo přez mejlku na adresu .

Radźićeljo wuradźuja

Worklecy. Wustawki wo wotrunanju čestnohamtskeho dźěła we Worklečanskej gmejnje budu jedna z temow přichodneho posedźenja Worklečanskeje gmejnskeje rady štwórtk, 1. decembra, w 19 hodź. w tamnišej šuli. Dale póńdźe wo wohnjowu alarmowu připrawu za Worklečansku pěstowarnju „K wódnemu mužej“ a wo nadawk za wobstaranje drasty a wuhotowanja za gmejnsku wohnjowu woboru.

Młodostneho wurubili

Bart. Po swjedźenju w Bartskej sportowni bu w nocy na njedźelu młodostny wurubjeny. Kaž policija zdźěli, bě jeho ně­chtó wokoło 2 hodź. wotzady z kolesa storčił. 16lětny skrótka wědomje zhubi. Jako zaso k sebi přińdźe, pobrachowachu jemu cholowy, pulower, nawoči, běłe koleso a ćmowa móšnja. Nětko pyta policija swědkow, kotřiž su w nocy na njedźelu w Barće něšto wobkedźbowali.

Trjebin (JoS/SN). Nowosć je na prěnim adwenće Trjebinski Šusterec statok dožiwił. Tam wuhotowachu domowinska skupina, towarstwo wjesnych žonow, kameradojo dobrowólneje wohnjoweje wobory, kubłarki wjesneje pěstowarnje „Lutki“ a mnozy pomocnicy prěni raz ­adwentne wiki. Něhdźe 350 wopytowarjow je tam zabawne hodźinki dožiwiło. Jedyn z wjerškow bě, jako nawječor Trjebinske dźěćetko přińdźe.

Hakle dźeń do prěnjeho adwenta je druhe wolejbulowe mustwo muži ST Viktorije Worklecy do noweje hrajneje doby starto­wało. Cyłk trenarja Šćěpana Wjenki doby we Wojerecach jednu wot dohromady třoch partijow na prěnim hrajnym dnju we wokrjesnej klasy sewjer. Prědku wotlěwa kleča Anton Wićaz, Jan Bobka, Jan Zarjeńk, Samuel Paška a Daniel Gall. Zady wotlěwa steja Šćěpan Wjeńka, Elias Kummer, Jan Mička, Aleksander Cyž, Měrćin Ledźbor a Syman Žur. Foto: Werner Müller

Póst Drježdźany II –

Viktoria Worklecy 3:0

(25:20, 25:20, 25:21)

Sokoł Ralbicy/Hórki – ST Hnašecy/Dobruša 3:1 (3:0)

Zestawa domjacych: Ch. Gloxyn – Matka, Schultz, Wałda, Ričel, Kř. Bejmak (20. Nuk), Šołta, D. Gloxyn (89. Lulak), Šewc, Domaška (89. Jakubaš), Korjeńk (75. Kurjat)

Kopańca, krajna liga

1. SSV Markranstädt 15 41 : 11 33

2. FSV Motor Marienberg 14 33 : 16 33

3. SG Taucha 99 15 30 : 13 32

4. Großenhainski FV 90 14 29 : 10 30

5. Rjemjesło Rabenstein 15 26 : 19 29

6. VfB Empor Glauchau 14 26 : 14 26

7. Radebeulski BC 08 15 28 : 26 26

8. Drježdź. 06 Laubegast 15 40 : 29 24

9. Radefelder SV 90 15 29 : 29 20

10. VfB Fortuna Kamjenica 15 29 : 30 20

11. VfL Pirna-Copitz 07 14 17 : 26 15

12. FC Módro-běli Lipsk 14 17 : 28 15

13. Jednota Kamjenc 14 18 : 30 15

14. FC 1910 Lößnitz 14 22 : 26 14

15. BSC Rapid Kamjenica 15 16 : 36 13

16. FSV Wódrjeńca 02 15 30 : 49 11

17. FC International Lipsk 14 16 : 30 9

18. SZ Drježdźany Strěžin 15 23 : 48 6

krajna klasa

1. SC Borea Drježdźany 13 42 : 15 32

2. FV Přezjednota Niska 12 40 : 9 28

3. Rotacija Drježdźany 12 23 : 13 25

4. SJ Chrósćicy 13 19 : 11 20

5. SG Weixdorf 13 27 : 29 18

6. VfB Běła Woda 1909 13 27 : 32 17

7. Nowosolc-Hrodk 12 26 : 18 16

8. Rakečanske ST 12 25 : 27 16

9. Drježdźanski SC 1898 13 17 : 19 16

ST Marijina hwězda –

HZ Wóslink/Skaskow/Kulow II 1:0 (0:0)

Zestawa domjacych: Matik – Wróbl, K. Pakoßnick, Zynda, Hoge, Langer (46. Mjechela), Cyž, Schmidt (79. Pi. Lugge), Pa. Lugge (70. Ladewig), J. Pakoßnick, Eldor

Zestawa hosći: Franz – Jorš (77. Elstner), Fiebig, Lange, Nowak, Korch (54. Kummer), Modšink, Woko (61. Sćapan), Pawlik (81. Bulmann), Wels, Müller

Na poprawom posledni hrajny dźeń prěnjeje połserije we wokrjesnej lize powitachu koparjo Marijineje hwězdy hrajne zjednoćenstwo z Wóslinka/Skaskowa a Kulowa. Pančičenjo pak hišće zymsku přestawku nimaja, dokelž dyrbjachu nachwatansku hru wot 11. septembra po próstwje Łutowčanow na 3. december přepołožić.